السلام عليكم صباح النور عليكم الانيقات عندي طلب للأخوات الفاسيات او الي تايعرفو فاس مزيان……بغيت نمشي ليها ناخذ من تما تلامط الصالون وبغيت نعرف اشمن بلاصة نمشي ليها و اشنو اخر موضة في ط§ظ„طھظ„ط§ظ…ط· اللي ولات دابا. اللي جاوباتني الله يجازيها بخير و يحقق ليها كل ما تمنات.
hgjghl’ td l]dkm ths?
صباح النور اختي اينا بلاصة انت في فاس باش نقولك اقرب بلاصة اللي انت ساكنة فيها لان كاينين بزاف دالبلايص ففاس كيبيعو الطلامط زوينين ورخاصين
المشاركة الأصلية كتبت بواسطة ام اشراق واميرة 
صباح النور اختي اينا بلاصة انت في فاس باش نقولك اقرب بلاصة اللي انت ساكنة فيها لان كاينين بزاف دالبلايص ففاس كيبيعو الطلامط زوينين ورخاصين يحفضك ليلي يا الحبيبة نتي اللي جاوبني الاولى اما ماكاينش اللي عبرني اهي اهي اهي. انا اختي ماشي ففاس انا في مكناس ولكن قالولي بلي فاس فيها التلامط اكثر. غير قوليلي الاماكن اللي كاينين باش ندور و نشوف. الله يخليليك الاميرتين إشراق و أميرة.
بارك الله فيك اختي وحتى انت الله يحفض ليك ايمن وامجد بالنسبة للبلايص. كاين اختي باب فتوح كاينة واحد البلاصة سميتها الحفرة كاين ملاح او المدينة القديمة تخديهم وتفرشيهم بالصحة والراحة انا يالله خديتهم وسعى يخسارة غادي نتحول ومغاديش يجوني فالصالون الجديد كنتمنى لقا اللي يشريهم مني بالمناسبة اينا بلاصة فمكناس ساكنة
شكرا بزاف احبيبة على التوضيح ديالك. وبصحتك الدويرة الجديدة الله يدخلها عليك بالصحة و السلامة ويا ربي تلقاي اللي يشري منك التلامط باش ماتضيعيش فيهم. انا اختي ساكنة في البساتين في مكناس. سمحيليا نبرزطك شوية… في هاد البلايص اللي ذكرتي واش كاينة شي قيسارية خاصة غي بالتلامط اولا غير محلات متفرقة.
اختي هد الاماكن كلهم اللي قلت ليك فيهم الطلامط بكثرة وبالخصوص الحفرة او باب فتوح والثمن جد جد مغري ومكاينش غير الطلامط لا كاين كلشي ملابس مواعن كلشي البساتين كنعرفها عندي عمي دارو تمى مكناس زوينة وعندي دكريات الطفولة ايام لا تنسى فمكناس
سيري الله ينورك ممكن تنعتيليا هاد الحفرة فين جات؟ وباب الفتوح واش حدا المحطة ديال الكيران ياك؟
السلام اختي، واش باغيا الطلامط ممتازين ولا غير العادي؟حيت با فتوح و الحفرة -الحفرة هي لي قريبة شوية لمحطة ديال الكيران-هادو فيهم داكشي زوين لكن مستحيل تلقاي السلعة الاصلية اي لبروميان، و المدينة القديمة على ما كنعرف ما بقاوش فيها الطلامط غير لا تمشيش ليها،و يلا كانت ميزانيتك فوق 200د راكي تلقاي الطلامط ديال التضخيم،كاين بنشريف لي فطريق موزار هادك هو رقم 1 في فاس و كاين حتى في شارع محمد5 ، و كاين النرجس و السعادة غير تشطري مزيان، و اي استفسار انا في الخدمة
السلام عليكم ورحمة الله وبركاته بنسبة لطلامط على حسب ميزانيتك إلى كنتي باغية شي حاجة واعرة وراقية عليك بطريق موزار وحتى حي سعادة ونرجس راه موجودين فيه وحتى اتمنا مناسبة وإلا كنتي باغة شي حاجة عادية سيري لحفرة وبن دباب
تبارك الله الاخوات الفاسيات ما خلاوش من جهدهم وانا اختي تقديت التلامط من فاس الجديد وحتى شريت وعاد وراتني واحد السيدة واحد البلاصة كاينة حدا المحطة سميتها حافة حتى هي فيها اثمنة رخيصة وفيها اثواب زوينين وكاين واحد السيد تيسميوه الحاج تيبع داكشي غزال وواخا غالي شوبة ولكنريستهال هدا كاين هو المحل الاول فبلاصة التلامط في الزنقة الاولى على يدك اليمين بصحتك التلامط الحبيبة