تم التثبيت بواسطة*ليلى ام سارة*
بتاريخ
15/6/2019
الشطون فالفرن ط¨ط§ظ„ط¨طµظ„ط©
1 كيلو ط´ط·ظˆظ†
بصلة
ملح
ابزار
حامض
زيت بلدية و رومية
و المعدنوس اختياري
الطريقة ساهلة ماهلة
يتغسل الحوت مزيان و يتحيدليه سلسول
و نديروه فشبكةينشف
من بعد نديرولو الحامض و ملح وابزار و نخليوه واحد الشوية
نقطعو البصلة مشلضة و نديروليها مليحة و ابزار و شوية ديال الزيت بلدية ويلا بغيتو تزيدو المعدنوس مقطع رقيق راه تايجي زوين
في الطبق لي تيدخل للفرن ندهنوه بالزيت الرومية و نفرشو شطونات و نديرو فوقهوم البصلة و نعاودو نفرشو شطونات فوقها و ندهنوهوم من الفوق بالزيت الرومية ونخلوه الفران شي 20 دقيقة
ايوة و هاهو واجد راه لديد بزااااااف نتمنى تجربوه و راه يمكن ديرو هاد الطريقة بالسردين
بالصحة و الراحة
hghka,fm h, a’,k fhgfwgm td hgtvk
الله يعطيك الصحة ويدمها عليكم نعمة
تم التثبيت+احلى تقييم
تبارك الله أختي.
فينما تصاوبيه صيفطي ليا حقي.
تيعجبني شطون ولكن الغالب الله مع لخدمة وشغال تيجيني فيه تمارة.
مع أحلى تقييم.
عنداك تنساي حقي. تنتسنى. ههههههههه
شكرا ليك مشريفتنا الغالية ليلى ام سارة على التتبيت ايوة بسيف مي نولي مسفيوية هههههههه
مريم شكرا اختي لحبيبة حتى نتي طباخة ماهرة هادي مافيهاش الشك و الفضل راجع لميمتنا الله يخليهالنا
نجوى فين ساكنة نسيفطليك حقك هههههههه
تبارك الله عليك أختي
كاتعجبني لانشوبة وكاندير معاها بصلة محكوكة ونقليها لكن أكييييد أنجرب طريقتك صحية
وباينة لذيذة الله يعطيك الصحة