اعشاش بالكنافة والمكسرات من مطبخي .حصري ههه

عيد مبارك سعيد الله يدخلو علينا بالصحة والسلامة وراحة البال وباش تمنيتو
اليوم عاد وجدت هاد الصينية ديال الكنافة وخا كنت ساليت مع حلوة العيد وقلت نوريها لكم تشوفوها وديروها في راسكم وخا مكتباعش الكنافة في المدن المغربية والله اعلم ..
المهم تكون هاد الوصفة البسيطة في راسكم فوقما جا الخير ينفع هههههه
البنااااات المغترباات سعداتكم ههههه

المقادير بسيطة
كنافة جاهزة
زبدة مدابة انا دوبت 250 غ زبدة وبقا لي منها
مكسرات اي نوع موجود عندك لوز قوقاو اكاجو بيسطاش المهم الموجود وممكن تعملو عقدة اللوز حتى هي زوينة واحسن
عسل للسقوة
الطريقة
تاخدي الكنافة تحليها مزيان وتبسبسيها بالزبدة المدابة ..انا يا الله كنت ناخدها في يدي وندهنها باش متجيش شاربة الزبدة بزاف
تسرحي شعيرات الكنافة في يدك وتحطي قطعة من المكسرات وتلفيها وتحطيها في المول
فاش تكملي طيبيها في فرن ساخن وناقص غير تدهب خرجيها ورشيها مزيان بالعسل وهي سخونة وعمليها في كويغطات وممكن ترشي عليها لوز مطحون او بيسطاش
الصور انشاء الله تقربكم منها

نتمنى الفكرة وصلاتكم وتعجبكم ومتنساونيش اخواتي بواحد دعيوة الخير لوليداتي بالصلاح ومع لوستي لي جابت ليا الكنافة من بلاد الغربة ..

huaha fhg;khtm ,hgl;svhj lk l’fod >>>pwvd >>iii dwvo iii