السلام عليكن يا انيقات.اليوم جبت ليكم كيكة لذيذة وبمقادير سهلة كتوجد في 4ط¯ظ‚ط§ط¦ظ‚ فقط.هي للطوارئ:ضيوف الغفلة او المرأة المريضة بحالي .
او للمعكازات ههه.ما تقلقوش حتى للحادكات بحالكم!!ههه
المقادير:3بيضات,200غ لوز او بندق مطحون بقشوره,انا كندير غير 4معالق صغار سنيدة,ملح وملعقة صغيرة خميرة كيماوية.
نطربوا البيض والسكر مزيان ثم نزيدوا عليهم اللوز والخميرة مغربلة والملح.ثم نوضعوه في قالب السيليكون وندخلوه للميكرواوند.
الميكرواوند على 600 الى 640 وتطهى لمدة 4دقائق.ممكن تدخلوا ليها شي حاجة للتاكد من نضجها.ماكاين مشكل الى حليتوا عليها!!.
التزيين:1-تنقصوا 2معالق كبار من اللوز وتعوضوهم ب2معالق كبار من الكاكاو,وبعد الطهي ترشوا عليها سكر بودرة او تزوقوها بالكلاصاج -هادشي اللي درت انا- او:
2-بدون كاكاو وعاد زينوها بصلصة الشوكولا.حيت لازم نغطيوها حيت على العموم كيكة الكوكوط وحلويات المكرواوند ما كايجيوش محمرين بحال ديال الفرن.
ماشي بالضرورة يكون عندك قالب السليكون عمليها في شي سوبيرة الزجاج او البديع اللي كيدخلوا الميكرواوند.يالله شكون تجربها وتوريها لي؟ هاانا كنتسنى في تجاربكم وفي تشجيعاتكم وما تنساوش ددعيوا معايا بالشفاء العاجل.الى بغيتوا المزيد من هذه الوصفات السريعة والسهلة ما عليكم الا تقولوها لي من خلال تشجيعاتكن.في امان ط§ظ„ظ„ظ‡ .احبكن في الله.لاتنسوا قراءة سورة الكهف…
hsvu ,hsig ;d; lk l’fo rabihabibi ;d,[] td 4]rhzr> 4]rhzr lvq hglyvf hggi hg`d hgpfdfm hojd ho,hjd fhv; fhv; hggi td; shigm a;v ugn tugh i]i
و يشفيك ان شاء الله
روووعة الله يعطيك الصحة الزين
فعلا ساهلة وسريعة
الله يسر امورك ويرزقك الصحة والعافية
احلى تقييم