استفيار عن الحليب الاصطناعي

السلام عليكم حبيباتي عافاكم بغيتكم تنصحوني انا ولدي عندو دابا شهرين واسبوع وكنعطيه غير البزولة والتمر فالليل ولكين عيت من رضاعة وبغيت نعاون بحليب الفرماسيان بغيتكم تقولولي واش معندو حتى شي اضرار عليه خصوصا اني جربتو ليه واحد لخطرة ودارليه الاسهال سيمانا من تم خفت ومابقيتش عطيتو ليه واش عادي واشمن ماركة لي زوينة عافاكم جاوبوني وشكراا

---

hsjtdhv uk hgpgdf hghw’khud

اه ختي مشي مشكل تعاوني بلحليب ولكن خصك تعطيه لحليب 1er age أنا لا marque إلي عطيه gallia

او خصك تعقمي رضعات كل ديمة او تغسلي يدك مزيان مزيان

راح مشي لحلب إلي كيدير إسهال

والمقدار إلي تعطيه راه على حساب l’age ديالي ولدك وكلشي مكتوب فالعلبة

Novalac
ممتاز مني كاندي ولدي لفاكسان كاتسولني الفرملية اشمن حليب كاتعطيه كانكوليها نوفالاك
كولشي تايشكرو وكبرتي بيه حتى بنتي حتى لعام ودابا كانعطيها حليب ديال بليدينا lait croissance ديال بليدينا ودانون حتى هو ممتاز

akhti ana karda3 banti halib stina3i olhamdolilah wafkha
ghi khask ta3tilha 3la hssab l age dyalha
ana banti kan3tilha nan1
otakriban dir chahrayn
ra maktob la boite dyal lahlib منذ الولادة
olah ikhalilk bantk

أختي أنا الصراحة غير درت لبنتي الحليب ديال الفارماسيان كرهت البزولة نهائيا ، كان عندها 6 شهور ، أنا جربتلها 3 ءنواع كلهم مزيانين بززززززززززاف ، ولكن ماعرفتش واش كاينين في المغرب ، 2 مسوسين et nutramigen, nutrillion باش ماتكرهش البزولة غير درتلهاnan pro حلو كرهتها ولكن هو زوين بزاف دابا عندها قريب 9 شهور وعاد كنديرولها ، وراه كلشي طريقة الاستعمال مكتوبة في العلبة ديالو

تيبالي ضروري تعاوني ب رضاعة –
انا ولدي من شهر لول كنت من ليل ليل نديرهاليه من بعد بديت نزود ليه الرضاعات وكنستعمل حليب ناتيفا زوين بزاف الي شكروه ومنهم ماما

شكراا ليكم بزاف البنات على الردود
الله يجازيكم كل خير ويحقق ليكم ما تمنيتو

نصيحتي اختي مادخلي لولدك دابا حتى حاجة رضعيه و اصبري ؤاه كل حاجة بالاجر ديالها و ملي يدير 6 اشهر دخليليه الماكلة اللي توافقه و متقطعيليهش البزولة ايلا قدرتي تصبري حتى يدير عاماين انا بنتي دابا عندها 4 اشهر ما عمري دوقتليها حليب الطاسة

ختي غيرصبري معاه راكي كتعطيه احسن هدية هو هداك الحليب ديالك كتعطيه المناعة لي معندوش دابا انتي بديك الرضاعة كتحميه من الامراض لي كتبغي تجيهم و معندهمش هما المناعة ليلها ختي الا كنتي كتبغي ولدك و كتخفي عليه عطيه بزولتك و رضعيه وكلي مزيان وصبري و احتاسبي كلشي عند سيدي ربي راه ربي ما قال على شي حاجة حتى هو لي خالقنا و عارف شنو كيصلاح لينا انا هنا في الغربة و تشوفي اشنو كيديروا باش العيالات يرضعوا ولادهم منين عرفوا المزايا ديالها ختي متعيايش على ولدك اختي راه الوليدات لي كيكونوا راضعين البزولة جاع مكيمرضوا بزاف مشي بحال الرضاعة الاصطناعية و راه غير يدوق ليك الرضاعة و ينفر ليك البزولة و انت غدي تقلقي و تبقاي تبكي و غدي يكون الوقت فات حيت مغديش يبقى عندك لحليب و خا تكوني بغيا تعاودي تولي ترضعيه المهم اللهم اني بلغت اللهم فشهد وياك وياك صبري و زيدي صبري