مرحبا اخواتي الانيقات
الصيف على الابواب وكلنا عزيز علينا الشلايظ
وحتى بلا صيف ضروري من سلطة مرافقة عند الغذا
ايوا الحبيبات بغيت نفيدكم بواحد المايونيز ساهل ماهل توجدوه غير ط¨ط§ظ„طظ„ظٹط¨ وبلا بيض.
ماعرفتش الا شي اخت طرحت الموضوع من قبل… المهم انا دايما كنحضرو ومابقيتش نستغني عليه من يوم جرربتو.
نوريكم الصورة اولا ومن بعد نقوليكم طريقة التحضير
للحصول على زلافة متوسطة نحتاجو كاس عنبة حليب وملعقة صغيرة موطارد وملعقة صغيرة خل ومقدار من الزيت.
نعمل الحليب والموطارد والخل و2 معالق كبار زيت في مولينكس ونخدم المولينكس ونبدا نزيد الزيت على شكل خيط
راه في اقل من ط¯ظ‚ظٹظ‚ط© كيوجد وعندك الاختيار في مدى الثقل ديال المايونيز… يعني الا بغيتيه خفيف او ثقيل تزيدي الزيت وعينك ميزانك.
بالنسبة لي كنسم المايونيز ديالي بحبة ثومة صغيرة مهروسة وشوية معدنوس باش يعطيني لون خضيضر فاتح.. وبطبيعة الحال الملح والابزار.
ممكن تخلطي بيه الروز او الخضر…او تحطيه مرافق للسلطة راه بنين وكتزيدو الثومة بنة .
ماتنساوش بانه محضر غير من الحليب يعني يبقى يومين لا اكثر.
بصحتكم وراحتكم واللي جربت ترد علينا الاخبار.
Hsig lhd,kd. fhgpgdf td hrg lk ]rdrm l’fod fhgw,vm
يعني نضيفهم ليه وندور المولينكس شوية حتى يتخلطو
ان شاء الله نجربه