حبيباتي السلام عليكم هادي اول مشاركة لي واتمنى ان افيدكم بما عندي مع العلم انني انا من استفدت منكم ولكم جزيل الشكر نبداو على بركة الله.
في الحقيقة وصل وقت العشاء وما وجدنا والو بالحق كان عندنا الكومير شايط وعاملينو في التلاجة واختكم احداكت داك النهار يلاه بلا ما نطول اعليكم
اخدت الكومير وفتحتو على 2 يعني كل واحدة اعطاتني 2 وستفتو في الصينية الخاصة بالفرن.
من بعد صايبت صوص مطيشة : اخدت مطيشة الكمية عينك ميزانك قطعتها على اربعة بقشورها وعملتها فوق النار مع شوية الماء غي ترخى شوية من بعد زولتها وطحنتها في ماكينة تم اعملتها فوق النار وضفت ليها زيت المائدة + شوية الملح والبزار + 2 حتى 3 ثوم محكوكين + ورقة سيدنا موسى ولما تبدا تختر ضيفي ليها شوية مطيشة الحك وفي الاخير شوية زيت العود والزعتر حكيه بين يديك. وااااااااااااو صوص واعرة.
اخدت صوص مطيشة وادهنتها على الكومير ورشيت اعليهم الفروماج احمر ودخلتهم للفران وملي طابو اعملت فوقهم شوية الزيت العود ، وقدمتهم والله الوالدة واخواتي يصحابوني درتليهم بيتزا
ارجو ان تعجبكم الفكرة وما تضيعوش الكومير، وبالصحة
H[d, ja,t, hak, ]vj fhg;,ldv
حتى انا كنديرها وكنديرها حتى بخبز المطلوع
اللهم صلي على سيدنا محمد
يا بنات صلو عليه