آجيو تشوفو عشانا كي كان وكي ولا وبالتفاصيييييييل المملة

أنيقاتي ط­ط¨ظٹط¨ط§طھظٹ كيف راكوم نتمنا تكونو بخير وعلى خير
إوا هاني جيت نعاودليكم قصتي مع العشا دلبارح
إيوا يالالياتي وصلات 8ونص دليل ونا كالسة مفيا ميدير والوووو كنفكر آشندير لعشا آآآآآشندير إوا عرفتو شنو درت؟؟؟هزيت التلفونعيطت لبابا كلت ليه:بابا إلى كنت جاي جيب لنا معاك بيتزا عافاك
كاليا أشكديري أبنتي متصايبيها نتي؟جاوبتو راه غير توحشت ديال الزنقة داكشي علاش.إوا كاليا واخا حتا نكون راجع
مشيت تكيت هزيت البيسي ديالي ودخلت كما العادة لأناقة كانتسارا ههههه هي هاديك جا بابا جاب البيتزا كلينا الحمد لله

سمحوليا مصورتش البيتزا من اللول مكنتش عوالة ههههه
وصلات 22:00 يالاه بغيت نجمع الطابلة شوية صونا التلفون ديال بابا جاوب والمفاااااااااجأة
قلعو شكون عيط يا ترى؟؟؟؟؟
واحد السيد صاحبو عيط ليه كاليه يجي يديه من المطار هو دبا فكازاومن هنا واحد ساعة غيوصل أكادير إوا بابا حشم يديه ديريكت لأوطيل غيجيبو يتعشا معانا هو اللول كلت ليه آآآآآآشنو؟واش غنديرومثلا والسيد جا من بلاصة بعيدة للإشارة فقط السيد ماشي مغربي.بيني وبينكم دار لافوت كان عليه يعلمنا بكري ماعليناش فالأخير تفاهمو هووماما على القطبان وأتاي حيت مشا الحال صافي مشا بابا يجيب اللي خاص ونا كنفكر آشنو ممكن ندير مزال كنحل الثلاجة و نسد ونمشي ونجي هزيت لخضرة اللي كانت صايبت بها هاد الشلاضة

إوا شوفو الروينة


هاهي مشات هههههه غسلت كلشي رديتو بلاصتو

حطيت الشلاضة على جنب وعمرت أتاي حطيتو حتاهو

صايبت الخبز

الما و الفراشط

القطبان تكلفات بهم ماما داتهم طيباتهم فالسطاح


إوا حطيت كلشي موجود آآآآآشنو غندير مزال؟؟؟الديسيييييير هو اللي بقا
ولكن المشكلة كاين غير الدلاح!!

التفاح والليمون والخوخ اللي كاين مكافيش ورجعتهم سالاد فروي هاهي الطريقة

قطعت الفواكه طريفات

خويت عليهم رايبي وقطيرات الحامض

خلطت كلشي ودرتو فكويسات


صافي سالييييت كلشي وجدتو
هبطت نشوف الصالة ياكما ترونات ولا شي حاجة؟؟
إوا الناس هاهما جاوو خوتي وبابا تكلفو بالضيف تعشاو سالاو صيفتنا ليهم البخور
رجعو الماعن غسلتهم حطيتهم يستقطرو

واللي شاط درتو فبواطات وحطيتو فالثلاجة

إوا هادشي اللي عطا ط§ظ„ظ„ظ‡ قبلو على ماوجد مرحباااااااا بكم وألف مرحبا
وكما كيكول المثل الضيف مايتشرط ومول الدار مايفرط
وأنا مشيت تلاحيت كاااااااو وعرفتو شحال فالساعة؟؟
هادي 1:15 تصبحو على خيييييييير
مشات خبيرتي من واد الواد وبقيت أنا مع بنات الجواد هههههههههههههه
في امان الله

---

N[d, ja,t, uahkh ;d ;hk ,;d ,gh ,fhgjthwdddddddg hgllgm>>>> 3lik H[d, l;l,gm hgllgm hggi hg’df hojd jfhv; jfhv; hggi ugd; pfdfhjd lik ugn ugd; ugd;l uvhqm iiiiiii ,jfhv; k;] ;hlgm

lah ye3tik saha akhti kolchi ghzal omtewel

سبحان الله متمشي غير فين مشاك الله و المكتاب يوصلك يوصلك
ايوا من البيتزا و الراحة لتمارة و جري علي نجري عليك هههههه
سبحان الله
بالحق تبارك الله عليكم خرجتو راسكم الله يعطيك الصحة نتي و الوالدة

تبارك الله عليك

ربي يخليك أحبيبة شرفتيييييني بالرد ديالك

تبارك الله عليك اختي
راه ماتاكول غير اللي قسمو ليك الله

داكشي اللي كاين أختي اللي بغاها الله هي اللي غتكون
إيوا سبحان الله
كنت كالسة معليا مابيا و معلش إكرام الضيف واجب علينا
نورتيني بمرورك مشكوووووورة على الرد ديالك ألزين

ههههههه ضحكتيني اختي وتبارك الله عليك و علي شطارتك

الله يبارك فيك أحبيبة

الله يبارك فيك أختي
سبحان الله ونعم بالله
نورتييي