كيكة بدانون الفريز

السلام عليكم ورحمة الله تعالى وبركاته
بغيت نشارككم بواحد الكيكة كنديرها ديما واللي ذاقها عندي كيطلب مقاديرها وبصراحة واحد صحبتي اللي عطاتها ليا الله يجازيها بالخير
المهم :الكيكة هي هدي مقاديرها
4 بيضات
كاس عنبة مابين زيت وزبدة
كاس سنيدة
دانون ط§ظ„ظپط±ظٹط² (ضروري إكون الفريز)
كاس ونص الدقيق أو 2 كيسان حسب نوعية الدقيق
نص كاس كاوبيل
ساشي كاكاو
2 خمارات
فالمولينكس كنطربو البيض وسنيدة مزياان ونزيدو الزيت والزبدة ودانون ونكبوه فإناء ونضيفو الدقيق والخماير وكاوبيل وكاكاو ويكونو مغربلين ونكبو الخليط فطاوة متوسطة والى الفرن
من بعد ماطيب نخلوها تبرد مزيان ونحضرو خليط للسقي المكون من :
نص كاس الحليب
2 ملاعق شكلاط للدهن أو 10 مربعات الشكلاط
نديرو الخليط على النار حتى يغلى ويعقاد شوية ونسقي به الكيكة وهو سخون ونخلوها حتى تشرب ونزوقوها بالفرمسيل أو اي حاجة انا زينتها بالشكلاط الابيض محكوك
https://