هاد الپستياج مختلف على الپستياج لي كنت نزلت هادي 3 سنوات تقريبا
هدا زوين بزآآآآآآآآاف و خدمتو احسن بكتير
انا ماشي من الناس لي كنبغي نخدم بالپستياج ولكن مضطرة الا طلبوه لي الناس
هدا لطريقة بروفيسيونيل و زوينة بزف و كنرتاح فيها فالخدمة
نتمنى من الله انو يعجبكم
السلام عليكم و رحمة الله
ان شاء الله اليوم غادي نزل ليكم عجينة السكر او ما يسمى ب
كنحتاجوه لتغطية كيكات الافراح و المناسبات و كنعملو به الورد
نغربلو السكر كلاصي و المايزينا 3 ديال المرات
اذن على بركة الله سنحتاج ل
960 غ سكر كلاصي نوع ممتاز
2 م ك زيت نباتي*
120 غ مايزينا
15 غ جيلاتين ف 4 م ك ماء بارد
120 مل ماء دافي
30 غ كلكوز او كورن سيروب
15 مل حامض
نضيفو الكليكوز و الحامض على الماء الدافي
نعملو الجيلاتين على الكليكوز و الماء الدافي و نحركوه حتى يدوب
*نضيفو الزيت النباتي
نعملو هاد الخليط على السكر كلاصي (800 غ) فقط و نحتفضو بباقي السكر كلاصي
نبداو نعجنو*
نضيفو السكر الباقي الا حتجينا انا هنا ضفت كل الكمية ديال السكر المتبقية
زولت العجين و لويتو فبلاستيك غدائي و عملتو فالتلاجة
خاصو يبقى فالتلاجة 24 ساعة عاد يمكن لينا نخدمو به
نتمنى من الله انو يعجبكم و في امان الله
پsjdh[ f’vdrm lojgtm a,dm , vNNNNNNNNNNNzu []h thgo]lm .,[m
و هادي كيك كنت عملتها بالپستياج و زوقتها بالطرقة لي كتشوفو
منين كنجبدوه من التلاجة كيكون قاصح كيتفرتت فالاول و من بعد كيولي سخون و نقدرو نشكلوه بالطريقة لي بغينا
هادشي عندك زاااااز معندي منقول غير اللهم بارك
احلى تقييم لك غاليتي
ماشاء الله عليك مشرفتي ام هداية هدشي عندك غزززال الشيف ديالنا
الله يحفظ ليك صحيحتك اختي والله لا يحرمنا من ابداعاتك
تم التقييم والتثبيت