يومياتي في الاشغال المنزلية

السلام عليكم و رحمة الله تعالى و بركاته
اهلا لباس عليكم
الفكرة و هي انا كل وحدة تكتب لينا يومياتها فالاشغال ط§ظ„ظ…ظ†ط²ظ„ظٹط© باش هاكدا الكل يستافد نتمنى تعجبكم الفكرة
انا غادي نبدا ليكم ب ظٹظˆظ…ظٹط§طھظٹ بالتفاصيل
اول شيء منين كانفيق الصباح كنحل جميع الشراجم ديال الدار و كنخرج لملايات يتشمشو و كنحل لبيبان ديال الماريو باش يدخل ليهم الهواء و مايديروش الغمولية من بعد كنمشي نوجد الفطور و من بعد الفطور كنجمع الطبلة بطبيعة الحال و نغسل الماعن و نمشي لغرفة الجلوس كنفض السدادر مزياااان و نشطب الزربية و الارض و نمسح الغبرة و نسد الشرجم باش مادخلش الغبرة من بعد كننتقل لغرفتي كناخد لملاية لي خرجتها تشمش كانطويها و نديرها فالماريو و نفرش الناموسية بغطاء جميل و كنرش فالغطاء و فالمخدة الريحة هاد الطريقة كانديرها يوميا بالنسبة للريحة انا كنشري ديال 20 درهم لا غلى على مسكين ههههه كانخليهم غير باش نعطر بيهم الفراش و الفوطات من بعد كنشطب الزربية و الارض و ندير واحد الطلة بسرعة على الماريو نشوف واش الحوايج مقادين و مطويين مزيان من بعد كنرش الريحة لي ذكرت من قبل فالخشب من الداخل باش كلما فتحت الماريو نشم فيه ريحة زوينة من بعد كنسد الباب د الماريو و كنمشي للصالون الصالون كنمسح ليه غير الغبرة فقط حيت فاش كايجي شي ضيف و كايمشي ديك الساعة كنجمع الصالون و نشطب ليه الزربية يعني كايبقى ديما نقي كنمسح ليه غير الغبرة من بعد كننتقل للحمام اعزكم الله اول شيء كنخرج زرابي د الحمام يتشمشو باش ايلا كانو حتى فازكين ينشفو و مايطلقوش الريحة من بعد كاندير خليط مكون من التيد و جافيل و سانيكروا د الخزامى و ااااااراك للحكان هههه كنحك كلشي من بعد كنشلل و كناخد بحال طرف من الثوب كاندير فيه شوية ديال سانيكورا و نشف بيه الحمام و كانمسح منين كانحلو الباب و منين كانشعلو الضو باش مايبقاوش الباكتيريا و كانمسح المراية اما ب produit ديال الزاج ولا كاندير غير الخل من بعد كاندير قطرة ديال سانيكروا فالارض و نبدا نحك الارض مزيان ب شطابة تكون قاصحة و كنشلل و نشف الارض و نبدل الفوطات انا الفوطات يوميا كانبدلهم و فاش كانبدلهم كنرش فيهم الريحة لي ذكرت من قبل باش لي ستعمل الفوطة يشم فيها ريحة زوينة من بعد كنرش معطر الجو د الورد انا كنستعمل pour toi رااااائع و فيه ريحة زوييييينة صافي و كانسد الباب و ها الحمام نقي ههههه من بعد كانشد سطل كاندير فيه شوية ديال التيد د الماكينة حيت كايخلي ريحة زوينة و سانيكروا ديال الورد و الماء و كنبدا نحك الارض ديال الدار ب شطابة و من بعد كنشلل و كنشف بالفوطة حيت الزليج كايصلاح معاه الفوطة حسن من جفاف بالنسبة للدار يوميا كانسيقها اما ايلا كنت مزروبة و خارجة غير كنجففها صافي و من بعد كنرش معطر الجو على البيوت و كنسد البيبان ديالهم بهاد الطريقة كاتبقى الدار فيها ريحة زوييينة من بعد كانمشي للكوزينة بالنسبة للطياب مرة كانطيب انا مرة كطيب ماما ايوا و كنمسح الماعن لي غسلت ديال الفطور و كنحك الارض ديال الكوزينة بجافيل و سانيكروا صافي و ها الكوزينة نقية بالنسبة لغسيل الماعن انا كنستعمل flota و كانزيد معاه ضروري من شوية ديال جافيل و شوية ديال سانيكروا د الحامض باش تبقى ريحة زوينة فالماعن و الكيسان صافي و من بعد الغداء كانغسل الماعن و كنمسح البوطة ب سانيكروا وكنمسح الماعن كانلقاهم تسقطرو شوية من الماء و كاندير الجفاف فيه شوية ديال سانيكروا و كنجفف بيه الكوزينة باش تبقى نقية و كنرش معطر الجو و كنخرج و نسد الباب هههههه اما فالليل من بعد العشاء انا ديييما كانغسل الماعن بالليل مكانخليهم يباتو حتى لصباح لا فالليل كانغسلهم و نمسحهم و ناخد طرف من الثوب ندير فيه شوية ديال سانيكروا و نمسح الثلاجة و نمسح la salle a manger و البوتاجي و كانعاود نجفف الكوزينة ب سانيكروا باش تصبح نقية و فيها ريحة زوينة
و دابا غادي نقوليكم شنو كاندير مرة فالاسبوع
بالنسبة للحمام مرة فالاسبوع كنجبد الريدو د الحمام و نصبنو بجافيل و نصبن الزرابي ديالو حيت صغارين بزربة كايتصبنو و ينشفو ايوا و نحك الحيط من الفوق حتى لتحت هادشي بالنسبة للحمام اما بالنسبة لباقي الغرف مرة فالاسبوع كانطلع نمسح الثريات من الغبرة و نمسح الشراجم و البيبان
بالنسبة للكوزينة مرة فالاسبوع كانخوي الثلاجة كلها و نمسحها و نعاود نستفها مزيان ويلا بانت ليا شي بلاصة مامستفاش مزيان كانستفها
و مرة فالشهر كل نهار كانخوي بيت و نحك الحيط و نسيقو باش يبقى ديما نقي و مرة فالشهر كنحك الماعن ديال الالمينيوم ب جيكش و الصابون البلدي و كانحك الحيط كامل ديال الكوزينة من لفوق حتى لتحت و صافييييي ههههه هادو هما اليوميات ديالي فالاشغال المنزلية
يا ريت حتى نتوما تشاركو معايا باش بهاد الطريقة الكل غادي يستافد
فانتظار ردودكم و مشاركتكم [IMG]https://www.anaqamaghribia.com/vb/images/smilies/*************%20%2859%29.gif[/IMG]
و بلا ماطلو وتهربو ههههه