واقيلا مابقاتش الكبدة .دخلو ضروري

السلام عليكم
انا نكتب و انا مفقوسة بزااااااااااف
هادي مدة و انا مسجلة في واحد الكروب في الفايس تيهتم بشؤون الطفل و الرضيع الخ
و استغربت نواحد القضية بزااااااااااف
ما مرة ما 2 ما 10 كتلقا سيدة ولدها مريييييييييييييييييييض بسخانة و لا فيها الاسهال و تيبقا فيه مدة و منزلة موضوع تتسول و ماتديهش نالطبيب
و عشرات الاخوات تينصحو ديو وليداتكم نالطبيب و لا حياة لمن تنادي
مع العلم انا السخانة و الاسهال راه تقدر تقتل
كاين لي تيخلي ولدو 3 ايام و 4 ايام عاد غادي به نالطبيب و ادا وقعت لا قدر الله شي حاجة يقولك لا مات بالاهمال ديال الطبيب
لا راه مات باهمال واليديه لي ماشي مسوقين
غير تنشوف تيصورو وليداتهم فديك الحالة تيقطع ف القلب
كيفاش هاد الام عندها هاد القلب

كاين لي تقولك معندهاش فلوس الطبيب
و باش عمرتي غوشاغج باش داخلة نالفايس
نقولو ماعندكش الله يحسن العوان
خديه نسبيطار الحومة

انا تعصصصصصصصصصصصصبت بالمعقول والله
بزاف هاد انعدام المسؤولية عند الاباء

---

,hrdgh lhfrhja hg;f]m>>>>>>>>>>>>>>>]og, qv,vd

و الله اختي الى كلامك صحيح مليون فالمئة حتى انا شفت هاد الظاهرة بزاااف و كنبقا مفقوصة على هاد التصرف واحد السيدة كنعرفا بنا 4 ايام و هو فيه السخانة كتشوي عييت منغوت كنقولا ديه ن الطبيب السخانو ممعاهاشي اللعب قاتلي لا غير كيطلع السنان قوتلا ميمكنشي اختي السنان مكعملوشي هادشي كامل و السخانة متوقفتشي لمدة 4 ايام فالاخر عواجلا مسكين عاد بدات كتغوت و تبكييييي و داتو ن الطبيبب قتلا ادا وقعتلو شي حاجة دنوبو عليك حراااام و الله الى حرااام ماشي غير ولد و طلق الاولاد راه مسؤولية غتحاسب عليهم غدا يوم القيامة الله يهدينا ن طريق الصواب و يحفظ وليداتنا و وليدات المسلمين اجمعين

الله يهديهم اختي انا مرة طلعات ليه فليل درت ليه قويلب وبقيت فايقة ناجانيش النعاس رغم انها نزلات من بعد نص ساعة من دوا والصباح غير فقت وديتو لطبية نيشان ختي لوليدات امانة ومرضهم مامعاه تسنا ولة نسول الله يهدي الجميع

ختي ماشي ضروري اهمال سخانة فيها وفيها وكذالك الاسهال ولدي الاول كان غير اقول اح نجري بيه لطبيب بعد لمرات غير مروح ويومين متحسش نعود ندوز ليه شبع دوان بلا فايدة ولنتبيوتك دابا لمناعة عندو ناقصة ميبرش بلا دواء بينما خوه الصغير متنجريش بيه لطبيب بزاف سخانة الى شداتو تندير ليه غير لقولب 2 تيتحسن وكدالك الاسهال دسنان غير دري اشرب لماء مزيان وتنعطه خيزو مع الروز وشكلاط تيتحسن ولحمد لله دابا عندو 4سنين وقلا لنتبيوتك شربو غير 2 مرات دابا الى مرضو ب 2 متلا بالسخنة صغير غير لقولب ابرا ولكبير الى مدوزتش ليه وشرب لنتيوتك مبراش متكتروش لدراري دويان وخلوهم اربو المناعة

ههههههه انا الا ولدي فيه السخانة كيسبقني باه لبسوه نديوه اوغجوني مي الصراحة منين كنديه كنرتاح حيت شافو الطبيب حيت السخانة كتخلعني بزاف حتانا مي الصراحة فالمغرب منين كيمرضلي كنزيد نمرض خصوصا مرض لي واحد المرة نهار السبت فين غنديه اعباد الله اسخانة مابغاتش تهبط غادة جايا ل الصيدلية د بيرمانونس اكا تعطيني غي انتيبيوتبكات و الله منكدب عليك كنخاف امرض فالمغرب حيت فعلا الاهمال فمجال الصحة كاين الا كع ديتو لكلينيك ماغاتلقايش بيديادر المهم السلاك سمحيلي خرجت شوية علا الموضوع مي قلبي طايب من هاد الناحية

جزاك الله خيرا على تنبيه الأمهات لهذا الأمر; أعرف حالة لقريب لي فقد فيها الطفل السمع بسبب ارتفاع حرارته وإهمال الأمر من طرف الأبوين والطبيب قالهم أنهم كان خاصهم على الأقل يشربوه الما بزاف مين كانت حرارته مرتفعة.

حبيبتي احيانا راه الجهل اللي كيديرها والاطباء كاين اللي يدير الخاطر ويشرح وكاين اللي تقول كيخلص على الحروف اللي غينطق ضريبة
انا الطبيب من اول تجربة فالولادة بل اول مراقبة فالايام الاولى كيشرحلنا الطبيب ان قبل 6اشهر مخااسش تطلع السخانة وادا حدت نمشي نيييشان للطبيب وفعلا فبنتي 5اشهر طلعاتلها وبيتوني معاها فالسبيطار حتى فلاااوها وعرفو مناش وبرات عاد طلقوها
اما بعد دلك فكيخرجليك الدوا او 2 ويشرحليك الحالات وكيف تتعاملي معاهوم والى استمرت 3ايام عاد تديها او فاتت قدر معين ومانزلاتش بالدوا
ونتي تنصحي من جهة واخرين ينصحو بتخربيقهوم من جهة وكاين اللي كيخاف يمشي للطبيب ودن ماسمعات قلب ماوجع.وكاين اللي كيتدعق من نية وسداجة وهدا متال شفتو بعيني حتى بدا الطفل كيتقيا ويفرفر بالسخانة,
الله يهدي الجميع

الاخت لي قالت لا الطبيب تيعطي الدوايات و ما الى دلك
اللهم اختي الدوايات و لا البيبي مسكين يتصاب بعاهة مستديمة و لا تخرجليه الروح
كيفما كان الحال الطبيب راه هداك قاري
و اضعف الايمان تعرف بعدا السبب ديال المرض
باش تعرف اشنو تديري

اكرر اخواتي راه ولادنا امانة في عنقنا و راهم ابرياء

عندك اختي الحق تعصبي و اش اللي مريض ولدها مسكين ومعذب مزال عندها الوقت للفايسبوك اولا الطفل قبل ستة اشهر ممنوع تطلع ليه السخانة و عاودت لي اختي قصة واحد المرأة والله يا اختي الى كتبكي ان واحد السيدة شحال ما شافت والديها من بعد زواجها لانها حملات مباشرة وفاش مشات عندهم دات بنتها عندها عام وهما فالبادية غير وصلت و مرضات ليها البنت بالسخانة و الاسهال و باش ما ترجعش للطبيب خلات البنت هكاك و كدير ليها فالعشوب و ما قالتهاش لباها باش ما يجيها يديها حتى دخلت البنت في غيبوبة وهزوها في حالةة خطيرة لشي مدينة قريبة وشافها الطبيب قالهم البنت تشللات و اعصابها ماتو صدقات البنت معوقة و كنظن والله اعلم ان هاد الام طلقها زوجها اوا شفتي الاهمال و الجهل فين يوصل