نحكي ليكم قصتي مع الرضاعة الطبيعية

بنتي فسنها 3 سنين وشهر ولدتها بالفتيح وقع لي مشكيل مقدرتش نتحرك من بلاصتي كان فيا فقر الدم نتوما راكم عارفين مع الفتيح وبنتي بدات تبكي كان فيها الجوع ناض راجلي جاب ط§ظ„ط±ط¶ط§ط¹ط© البيبرون وبداو يديرو ليها اللويزة شي يومين أنا مبديت الناكل حتى النهار الثالث حيت متنفستش على مدة ملي بغيت نعطي البنتي ترضع مبغاتش حيت أصلا الراس تالبزولة عندي داخل بالزاف وبنتي ولفات البيبرون بعد المحاولات اللي درت مخليت تيرلي اللي كتجبد صافي بقات كتشرب حليب الفارمسيان وبقى فيا الحال بالزاف ودب كنفكر نزيد وخايفة ليوقع ليا نفس المشكيل منقدش نرضع بحكم عندي الراس داخل أشبان ليكم

---

kp;d gd;l rwjd lu hgvqhum hg’fdudm

غير ديري بالك انك ترضعي وراه التربية هي كاتجبد الراس

صعيب غير في الايام الاولى فقط وديما دهني بزيت اللوز او اي زيت من قبل ماتولدي باش ماتقصحيش فيهم

اما الا عطيتي الرضاعة بطبيعة الحال ماغاديش يشدو الثدي كاتجيهم ساهلة

يعني ممنووووع الرضاعة

شكراً أختي على النصيحة راه فيما كنتفكر موقف بنتي مع الرضاعة كنتشاءم وكيجيني إحباط

أنا بحالك أختي ولدت قيصري كانت ولادتي صعيبة بزاف كنت غنموت أنا و ولدي الله أحفضنا…..ولكن داك شي مامنعنيش من نرضع ولدي في دقائق الأولى يالله طلعوني للغرفة جابولي ولدي ما كنتش قادرة نتحرك الطبيبة جابت ليا الولد جنبي و رضعتو المدة كلها لكنت فالكلينيك رضعتو ناعس على جنبي تقدري تعملي نفس الشيء و متضيعيش الفرصة

أنا ليوم جبت ليك الحل و لكل أخت عندها الراس داخل ههههههههههههههههه نقول و لا لا؟
أول حاجة غنقول أني ولدت بالفتيح و يومين و بنتي تـرضع صناعي لكن غي رضعات بزولة مرة مبقاتش بغات ليهم الرضاعة سبحان الله الحمد لله
لمهم كنت في المستشفى واحد الأيام لظروف و كانت معايا واحد السيدة الراس ديال البزولة داخل و مرضعاتش ولدها 3أيام و الوليد كان غادي يموت بالجوع حيث معطاوه وااالو و هي تجي طبيبة الأطفال للي تما و جابت ليها الحل ماشي tire lait و لكن البرا أو المفتاحة أو الشوكة قلتها بكل المفردات باش كلشي يفهمني حليها جري هاداك للي تيطلع لحنا حيديه و قطعي الجزء للي تتخرج من الحنا باش يولي مثقوب بحال لفوق و دخلي هاداك للي تيجبد الحنا من الجهة للي قطعتي حطيه على راس البزولة و جري بحالا غجبدي الحنا و غادي يخرج بإذن الله و أنا شاهدة و قالتلينا أنها تتنصح أي وحدة تتجي عندها باش تعمل نفس الطريقة في عوض متشري tire lait و غي تتخسر فلوسها هكاك و تتنجح القضية
واش أحبيبة فهمتي الطريقة؟ إيلا شي حاجة مواضحاش نعاود نشرح

و إن شاء الله إيلا هاد المرة ولدتي قولي ليهم يجيبو ليك الرضيع هاديك الساعة باش يستافد ما أمكن من اللبأ أنا غير حيث بنتي كانت في القرعة و رغم ذلك صيفطتو ليها في الرضاعة ههههههههههه

chokran akhti la nasiha wakha mafhamtch mzyan kan7ydo ras dyal lbra tna9ch yak w kanbdaw ndkhloha f ras tlbzola w njiro ana fach 3tawni banti magaloch lia rad3iha wla chi haja w lwlda lawla wkant 3yana

مسكينة الله يحسن العوان ما عليش دابا عرفتي أشنو تعملي المرة الجية إن شاء الله
لا أحبيبة هانتي حيدي راس لبرا و من بعد قطعي لبلاصة للي تيتخشى في راس لبرا يولي مثقوب بحال لفول بحال تحت بحال تييو و دخلي هاديك للي تتجبد الحنة من الجهة للي قطعتي و حطي الجهة الأخرى على البزولة و جري

safi daba fhamtk mazyan hadi tari9a zwina lah yjazik bikhir

اختو نوف الله يسر ولادتك ،حتا انا دزت من نفس المشكل واول ماتزاد ولدي عطاو البيبرون ودارو ليه فيها اللويزة حيت انا كنت مبنجة وخافو البنج يدوز للبيبي لمهم لغد ليه جيت رضعو بقا كيبكي وقلت مافياش الحليب وعطاوه تاني الرضاعة حتا تولفها ، انا راه بقيت سيمانة عاد كليت كيف الناس حيت كان قالي الطبيب متاكلي والو وبقيت فيا وجع الحريق وجع الجوع وولدي مسكين مالقا ما يرضع وزيد عليها شي فقايص الله يبعد هل عليا المرا الماجة هي للي كملات عليا كنتفكرها كنتعصب يا ختي ، بقا فيا الحال بزاف حيت مرضعتش ولدي ولكن راني درت معاه جميع المستحيلات حتا انا تيغ لي وكلشي ووالو ولدي تعكس لي ، ان شاء الله لمرا الماجة ربي يعاونا ويسهل علينا ونرضعو طبيعي