ملحق لموضوع التقدية

السلام عليكم

هنا سوف اقوم بتجميع الافكار المميزة و الوصفات الاقتصادية و لوائح للمشتريات الشهرية و الاسبوعية للمشاركات فالرجاء من الاخوات عدم ادراج ردود هنا لكي يسهل على العضوات تصفح الموضوع و الاستفادة من تجارب الانيقات

شكرا للاخت اسيل على الفكرة
و شكرا لكن على تفهمك

هدا رابط الجزء الاول
https://www.anaqamaghribia.com/vb/sho…d.php?t=354602

و هدا رابط الجزء التاني

التقدية 2

lgpr gl,q,u hgjr]dm

السلام عليكم
انا جيت نفيدكم بتجاربي
انا كناخد من عند راجلي 36 الف ريال كنتقضا التموين كلو الدقيق الزيت السكار التيد جافيل كلشي القطاني العدس اللوبيا الفول ليباط الروز ماطيشة الحك كلشي كاع الحوايج اللي كاينين عند مول الهري اللي حدانا كنتقضا ديما عندو وحتى هوا كيدير معانا اتمنة مزيانة كنخلص ليه شهر كامل ديال الحليب لترو فالنهار كيطيح لي هدشي كولو بشي 16 الف ريال كيبقا لي غير اللحم و الدجاج والحوت والخضر و الديسير كنوضع 5 اللاف ريال فالاسبوع 4اسابيع هي 20 الف ريال ويلا شاطت شي حاجة كنخبيها ليجيو الضياف
هاكا حتى كيكمل الشهر
بالنسبة للبيبي كتقدني فيه 600 dh فيها الكوش سيريلاك ليلانجيت بتي سويس نيدو الفروماج تاعو ……….
والحمد ليلاه كيخرج الشهر بسلام وغالبا كيشيط ليا التقديا و كنوفرها من الشهر الماجي كلا شهر ورزقو علا حساب الضياف
كاين الشهر اللي نوفر فيه 200 او 150 او 100 او 00 dh
مع العلم انني كاينة غير انا و راجلي و ولدي ثمان اشهر
وانا من النساء اللي كتحب تنوع فالشهيوات والكوتي دائما موجود الحمد لله

فات ليا فرمضان وضعت موضوع خاص بالتقديا وخا رمضان فات ولاكن اللائحة كتبقا صالحة لجميع الشهور هناك تغيير فقط في الكمية متلا في عوض كيلو و نصف عدس عاناخدو نصف كيلو الى اااخره
انا نحط ليكم الرابط ديال الموضوع اللي بغات تستافد منو
https://www.anaqamaghribia.com/vb/sho…=1#post7867709

بيما أني أنا لي قترحت غدي نكون اول وحدة نكتب شنو ناوية نتقدة إنشاء الله غير بغيت نقوليكم هاد تقدية عوناتني فيها 2 أخوات من المنتدى الله يجازيهم بالخير
2 بكيات نيدو 2 لتر زيت 2 كيلو سنيدة 3 باكيات سكر باكية اتاي كبيرة قرعة كونفتير رابعة زبدة حك لبريري لطياب 2 صابون لكف رابعة روز عادي ورابعة كلاصي رابعة اللوبيا حيت ماشي لبرد مكترتش منها وعاد أنا مكناكهاش رابعة عدس نصف كيلو مقار ونية فيس ونصف كيلو شكل آخر سباكيتي باكية خمار آت كيلو تيد ماكينة حك اوني 5 كيلو فرص غير للحلوى حيت مكنعجنش كيلو سميدة قرعة سانيكروا و اتشي والعطرية 5 دراهم من لحاجة بلاطو بيض بكية حليب بالنسبة للخضرة نتقداها لسيمانة 2 كيلو بطاطة 2 كيلو بصلة 2 كيلو كرعة كيلو خيزو نصف كيلو فلفلة واحد ليشوة وكيلو مطيشة للعلم مكنديروش كسكس خص 5 دراهم نعناع ربيع رابعة تومة
هادي هي تقدية لي ناوية إنشاء الله نشري إلى بانت ليكم شي إضافات الله يرحم الوالدين نصحوني بيها ولي بغات تستافد مرحباً وأنا فالخدمة

أوكي أحبيبة قال ليا غيعطيني 2024 درهم في الشهر فيها غير التقدية الما والظو والتلفون والأنترنيت لا لي فبالي أني نشري الدقيق والفينو للخبز والكيك والمسمن والبيض أتاي سكر زيت خميرة الحلوة الفرماج زيت البلدية كاينة والكونفتير نصايبو في الدار ديال الخوخ موجود دابا راجلي ماتياكلش ليبات ماكين لاش نشريهم غاناخد اللحم والدجاج والكفتة نقسمهوم على حسب الشهر والحوت إلا تشهيتو شي نهار نتقداه الخضرة ناخد البصلة وبطاطا تيصبرو إوا الخضرة لاخرا ناخد ديال السيمانة هادشي ليجا فبالي دابا إلا نسيت شي حاجة فكريني

هههههههههه ضحكتيني الكونفتير ألالة ديال الخوخ تتاخدي كيلو يكون طايب شوية تتنقيه وتقطعيه وضيفي ليه نصف كيلو سنيدة وبيتيه ليلة فالتلاجة باش يطلق الما ديالو فالغد ديريه يطيب إلا دارت ليك شوية الرغوة من الفوق زوليها بمعلقة خليه يطيب على نار مهيلة وزيدي عصير نص حامض وبقاي ساعة ساعة حركيه وباش تعرفيه وجد ديري شوية ف طبسيل صغير ملي يبرد إلا لصق راه طاب إلا بقى جاري مزال ووالكونفتير ديال الفريز والمشماش تيتصايب بنفس الطريقة

المصروف دايرة ليه 1500 ده فيها
600 ده د التقدية فبها كولشي الاساسيات و الكماليات المهم من بعد نكتب ليك الليست الى بغتها اقدر فالمرة الولى تمشي ت ل 700 ده و لكن فشهورة لاخرين مغدبش تفوتي 500 ده حيت غدي تباقي التقدية من الشهر لي سابقو هكا
300 ده فيها كيلو د اللحم 2 دجاجات و الحوت
300 ده الخضرة و الديسير 75 ده لسيمانة و الى عرفتي كديري غادي اشيط ليك منها
300 ده تشيط ليك خليها خصاتك شي حاجة فالدار شريها بحال الحليب و البيض فقط اما اي حاجة خرى صيبها فالدار راكي مقدية كولشي
و ان شاء الله الى بغيتي نحط ليك جدول دالغدا و العشاء لي كندير و الله اوفقك
نسيت ما قلت ليك راه تا حنا غير 2 مزال مسهلش علينا الله بشي بيبي

الطحين فورص و قمح خنيشات د 5 كلغ 70 الزيت 2ل 36 الزيت البلدية نصف ل 20 سكر و سندة 20;قهوة 30 اتاي 30 العدس 7 اللوبيا 10 الروز7 الحمص 10 البلبولة5 السفة8 سميدة10 المقرونية8 رقيقة نص كيلو من كل حاجة سباكتي 10 و الكسكس10 كيلو من كل حاجة الطون الزيت و مطيشة 3 من كل نوع 40 المايس10 شمبينيون 7 الموطارد 5 المايونيز 5 الكيتشوب 5 قريعات صغارفرماج حمر 250 غ 25 فرماج متلت باكية د 24 20فروماج د السندويش ديال 10 11الكونفتير 8 خمير د الخبز حبوب باكية 6 خميرة بيضة و حمرة باكية من كل واحدة 10 5 ده د كاكو التيد حيت انا عندي مكينة عادية د التصبين 10 اوني 10و جافيل 13 سنكروا 13 العطرية 3ده من كلحاجة 20 دونتي فريس 20 الصابون 10 جيليت ليك و لمول الدار بابي 20 د توالتت 20لانشون 30 المجموع د هادشي غدي اكون شي 700 ده ف شهر الاول من بعد بقى كيشيط لي من التقدية ولي شاطط من طبيعة الحال مكنجبها ف الشهر جاي و للتقدية د الخضر كندير ليست بداكشي لي غدي نوجد فالسيمانة و كنجيب الخضرة لي تخصني ف السمنة هكا مكتبقاش تا تخماج و تلاح و الديسير كنشري الفاكهة الموسميةحيت كتكون رخيصة و داب تبرك الله كلشي موجود و باتمنة مناسبة الاسبوع كندير 2 مرات حوت 2 مرات دجاج 2 مرات لحم و مرة قطنية و نوعي راه المنتدى تبرك الله فيه ما ادارو بالنسبة للتقدية انا مكنخدهاش من مرجان و اسيما ,,,,, معندناش وت الى كانو منخدش منهم كنخدها من الهري و الخضرة من المارشي

المشاركة الأصلية كتبت بواسطة mimipitcha

سلام
جبدتو موضوع لي مخربقني بزاف، هو انني تانشري و فتالي تانلوح
هاد شهر قلت لراسي ديري غير شوية ديال لمجهود و نزير راسي و الله اعلم فين غادي نخرج
انا بوحدي، عندي لكراء 1000د
لما 150د
ضو 200د
نيت 200
تيليفون، بحكم انني لازم نهضر مع لعائله كل نهار دايرا ابونمو، 450د
لحانوت ديما عندي 700د و قلت هاد شهر غادي ندير فبالي مانفوتش 500د
تقدية كنت تانمش لمرجان تانجيب حتال 1200 فتخربيق، اوا لبارح جبت 750د
فيها لحم و كفتة ديال دجاج و كفتة عادية و صوصيس دجاج، و اسوبوكو و لي پات و كورن فليكس
و مادزتش جيهت شومبوان و داك شي ديال لحوايج والو!!
ان شاء الله نقد نوفر هاد شهر ولو غير 1500د ندير بيها كادر لعينيا ولاو هاد نضارات تايضروني

عندي ملاحظة صغيرة قوليلي ها العار فرقيني نتي وملاحظاتك ههههه بالنسبة لسانيكروا خودي هداك ديال لعبار راه فيه ريحة زوينة واقتصادي وكاينة طريقة فعالة باش تعطري دارك خودي كأس سانيكروا وديريه فشي كسرولة قديمة وزيدي فيه الماء وخليه يتبخ راه كتعطر الدار وفاش يدير دخان بخري بيه ونفس الطريقة يدريها للبخور وحتى جافيل خودي ديال لعبار وخلطيه بالماء وبالنسبة للفرماج راه غير نمشي لداري ونحط ليكم طريقة باش تصيبيه فالدار حيت مقيد عندي وحاجة أخرى ممكن تآكلي غير مرة وحدة لحم فالسيمانة وتبارك الله منتدى عامر بالوصفات العصرية وغير مكلفة هههه كي جيتك قولي نتي بغيتي تخرجي عليا ولكن راه بصح حنا نضلو نوجدو وفالاخير كنرميو وكاين لي ملاقيش مياكل وبالنسبة لمايونيز صايبيها فالدار هي وكيتشوب أحسن راه كون تعرفو كيفاش كتصيب متبقاوش ضورو بيها وحاولوا نبعدو على بواط كونسيرف طون راه كاين طرق كيفاش تصايب كترت عليك واقلة راه غير بغينا ناكلو حاجة لي مفيدة لينا ولوليداتنا

اترك تعليقاً إلغاء الرد