بسم الله الرحمن الرحيم
السلام عليكم ورحمة الله
قررنا في الموضوع ديال مسيرتي نحو الجمال نخوضو واحد التحدي بحيث تافقنا نعتنيو براسنا من كل النواحي ونستغلو الباقي من السنة المشرفة على الانتهاء ‘2019’ فالاهتمام بجمالنا ومع بداية 2024 ان شاء الله نكونو وصلنا لللقب البنت الجديدة في السنة الجديدة ونوليو بوكوصــــــــــــــــــــــــــــات وجميلات وأنيقات ورشيقات, والتحدي الاكبر والاهم هو نكونو مع بداية السنة ان شاء الله كنعتبرو العناية بالجمال جزء من روتين ديالنا اليومي …
وهدا هو رابط تجمعنا الحبيب
https://www.anaqamaghribia.com/vb/sho…d.php?t=366034
ولأن الصفحات ماشاء الله كثيرة وبطلب من بوكوصات التجمع قررنا نخصصو ملحق للوصفات باش يسهال الاطلاع عليها
وعندي طلب الى سمحتو لي بغات تخلي استفسار أو رد تدخل للرابط لي حطيت الفوق مرحبا بيها وياريت يبقى هاد الموضوع مرجع فقط للوصفات المجربة والنصائح الجمالية مع عميق شكري وتمنياتي لكم بالجمال الداخلي والخارجي
lgpr hg,wthj lk j[lu (lsdvjd kp, hg[lhg) lsdvjd hgplhl
المشاركة الأصلية كتبت بواسطة أمازيغيه حره 
نعومة واضحة+صفاء البشرةو توحيد لونها+ازالة الطبايع اللي كيكونو ديال لحبوب او شي جرحة قدييييييييييمة+والاهم تفتيح المنطقة الحساسة بشكل واااااضح
تحدير:الوصفة تصلح للجسم فقط لانها كتكون من الحامض واقراص فيتامين سي الفوارة وهاد الشي قاصح على الوجه
نبداو فالمكونات
1علبة كريم جليسوليد الحمرا
1قرعة ديال زيت اللوز
1 حامضة
2 حبات سيبرادين
الطريقة
كنحكو قشرة الحامضة فحكاكة رقيقة وكنعصروها كنضيفو ليها 2 اقراص سيبرادين وكنخليهم يدوبو
كنخلطو علبة الجليسوليد مع زيت اللوز
من بعد كنخلطو الخليطين بجوج
كنخلطوهم حتى كيوليو متجانسين بحال هكدا
من بعد نديروه فشي قرعة ونحطوه فالتلاجة
طريقة الاستعمال
ندهنو بيه الجسم ديالنا بالليل الا كنا غندوشو فالصباح وهادا احسن شي او نعملوه فاش نكونو غادين لحمام غير مخصناش نديروه ونتعرضو للشمس حيت كيما عارفين الحامض والشمس مكيتحاملوش
المشاركة الأصلية كتبت بواسطة أمازيغيه حره ماخليت حتى شومبوان رخيص ولا غالي ديال شعر ما جربتوش والمشكل يا اما كيبقى هوا هوا ولا كينقص ولكن شعري كيولي مشوووك مع العلم انا شعري دهني شوية من الجدر ولي بوانت ناشفين حيت انا كنت شحال هادي كنصيغ وشعري نشف بزاااف ومبغيتش نقطعو
هاد الشوموان حلي لي المشكل بنسبة 80% +االلمعان
والوصفة ديالي هيا
قرعة ديال شومبوان جونسون
نص لتر ماء
حفنة ديال يازير
حفنة ديال الزعتر
الطريقة
كنغسلو الاعشاب وكنغليوهم فنص لتر ماء ونخليوهم حتى يطلقو مزيان .كنخليو المغلي يبرد ونضيفوه للشومبوان كنحصلو على جوج قراعي ديال الشومبوان بحال هاكدا
انا القرعة ديال سيدي علي ساليتها حيت صايبت هاد الوصفة شحال هادي .هيا كتكون عامرا وكتدي لي بزاااف حيت راه دغيا كيرغوي
المشاركة الأصلية كتبت بواسطة أمازيغيه حره انا مشكيلتي مع الشعر الزائد مشكييييييلة ولكن الحمد لله كندير لاسير للجسم والخيط للوجه وبالنسبة للمنطقة الحساسة كندير ماكينة الحلاقة حيت النتف خايب لديك البلاصة وهادشي اللي جا فسنة رسولنا الكريم
ولكن مع الايام الواحد كيمل من النتيف دكشي علاش بديت كنستعمل هاد الوصفة الساهلةواللي مع البساطة ديالها عطات مفعول رائع وهي
الرماااااد
حاجة ساهلة كنخلطو الرماد بشوية الما دافي حتى كيولي بحال لعجينة وكندهنوه للمناطق اللي نتفنا منهم الشعر وكنبقاو نعيدو الهاد العملية 3 ايام اللي من بعد النتف
النتيجة كتبان مع نمو الشعر الجديد كينوض رقيق على قبل ولونو باهت ماشي كحل
المشاركة الأصلية كتبت بواسطة alamal85 اما الطريقة ديال دكتور اوز كايدير بحال اللي درت زعما شرائح الحامض + شرائح السكينجبير طري ماشي الغبرة + زائد وراق النعناع. ونا درت غير الحامض حيث ماعنديش مع النعناع
نتمنى نكون فدتكم
يالاه التشجيعات من فضلكم لا يبرد فيا الدم ههههههه
المشاركة الأصلية كتبت بواسطة أمازيغيه حره الكريم ديال النهار راه ضروووري لانه كيحفض الترطيب وكيخلي البشرة فريش
والماسك كيتكون من
2 بيضات بلدين ميبسين فالشمس ومطحونين (الصفار+البياض+ القشور)=كيرطبو البشرة وكيصفيوها
2معالق كبار نيدو=كيبيض البشرة
2 معالق كبار لوبيا مطحونة =كيصفي البشرة
2 معالق حمص مطحون=كيصفي البشرة
2 معالق طحين ديال الزرع بالنخالة=كيحيد البقع الداكنة وكيفتح لون البشرة
كنخلطو كلشي بماء الورد ولا بماء الخيار والى كان لبشرة ديالك جافة زيدي نقيطات ديال زيت اللوز
نتيجة رائعة عن تجربة
المشاركة الأصلية كتبت بواسطة أمازيغيه حره
المشاركة الأصلية كتبت بواسطة كايزن للتقشير :
فرماجة مثلثة تخليها حتى تيبس وتحكيها بشوية وبحركات دائرية
معلقة صغيرة خرقوم بلدي+معلقة صغيرة سنيدة+م ص حمص مطحون+2 معالق صغار زيت لعود ناخدوه بيدينا ونبقاو نفركو بيه الوجه بشوية بشوية بحركات دائرية لمدة 5 دقايق ونخليوه شوية على الوجه دقيقة هكاك ونغسلوه
للتبييض :
كين واحد لماسك خديتو من لمنتدى هنا نسيت على صاحبتو الله يجازيها بخير لمهم هو زوين كيبييض
فيه حلبة حمص وفول يتخلطو بماء ورد ولا بيضة نص ساعة على الوجه ويتغسل
للترطيب
جربت خيار ونيدو واعر
كذلك روز طيب ناخدو منو غي الماء ديالو ونزيدو ليه معلقة نيدو واعر حتى هو كيرطب وكيبيييض
وكين هذا تاهو زوين بزاف
خيارة بقشورها + خيزوة + شوية روز +قرعة ماء ورد+ ربطة معندنوس + ماء معدني
ديري معدنوس فكاسرونة مع شوية ماء معدني يطبخو غي شوية وتزيدي روز تخليهم تاني شوية يطبخو طفي عليهم وملي يبردو خلطي كلشي فمولينكس مع لخيار وخيزو وماء الورد ديريهم فمكعبات تلج كل نهار دوزي مكعب فصباح ومكعب فلعشية على وجهك
للهالات السوداء
مساج بزيت لوز يوميا
وبطاطا بقشورها+خيارة بقشورها تحكيهم فحكاكة غليضة وديريهم فمكعبات ثلج يوميا تهزي 2 وحدة لكل عين تخليهم شوية غي يبداو يدوبو وديريهم على الهالات ونتي مرتاحة حتى تحسي بدك بطاطا وخيار نشفو من لماء وسخنو مزيان حيديهم وغسلي وجهك
للخطوط البيضاء : مساج بزيت الجليسيرين يوميا
لليدين
تقشير : طرونشات لحامض مع بيكاربونات صوديوم تحكي بيهم يديك مزيان مزيان اطول مدة
اوشوية زيت لعود+شوية ملح+شوية عصير لحامض نفس الطريقة
للشفايف : زيت زيتون يوميا راه كيفتح اللون مع المداومة
وفازلين مع عكر فاسي كيوردهم وكيرطبهم
المشاركة الأصلية كتبت بواسطة كايزن لمهم انا غنعطيكم اهم القواعد لي ساعدوني بزاف حتى نزلت هاد الكيلوات وللمعلومة بديت نهار 2 فشهر 8 قلتها ليكم بنهار والشهر والى بغيتو حتى بدقيقة ههه
اول حاجة البنات , صليت زوج ركعات وطلبت من الله المعونة وهاد الخطوة راها مهمة بزااااااااااااف صدقوني شحال من مرة ونا كنحاول ندير ريجيم فحياتي ومعمري قدرت نكملو حتى لهاد لمرة
ثاني حاجة الارااااااااااااااادة والاصرار وكندير فبالي ديما صورة لي بغيت نوصل ليها وهدفي ديما قدام عيني
ثالث حاجة الصبببببببببببببببببر ههه متصوروش شحال تعدبت وعانيت فالاول لدرجة كتجيني البكية ملي كنشوف شي حاجة مكنقدرش ناكلها ولكن مكنضعفش حيث وصلت لمرحلة 94 كيلو راه صافي خطوة وحدة وكنت غناخد لقب big mama هههه
*شهرين متتالين وانا مبعدا نهائيا على لحلويات وجميع الاصناف والاشكال والشكلاط حيث كنت مدمنة واكبر مدمنة فالعالم والحمد لله بعد هادوك الشهرين تخلصت من الادمان قولوليا مبروووك مهم بعد دوك شهرين وليت تندير نهار مفتوح تناكل فيه لي بغيت بلقياس طبعا
*نقصت من سكريات وملح وتناكل 3 وجبات وبينهم الى جاني جوع تناخد فاكهة ولاشوية فواكه جافة مع اتاي والعشا غالبا اما شوربة او فواكه او حليب او يوغورت لمهم حاجة خفيييييييفة
* لخبز نقصت منو بزاف وبعض لمرات كاع متاناكلو نهار كامل
*تنكثر من السلطات ولخضر خصوصا فالبداية باش نعمر لكريشة ومنحس بالجوع
*فالاول تاني كنت تناخد معلقة زريعت الكتان والماء على الريق
*والسر لي عاوني بزااااااااااااف المشي يوميا كنتمشى كثر من ساعة او على الاقل ساعة مشي سريع
*الماء كنشرب لترين ونصف تقريبا
*فالبداية تاني كنت كنلعب الحبل بزاف وتندير حركات من اليوتوب
*دبا كندير فصباح بعض الحركات الرياضية وتنقفز وفدار متنجلسش خصني كل شوية نوض نتحرك ونتمشى
*نعاس الكثير تاهو راه كيدير جوع وكيزيد من لوزن
*قريت بزاف ديال قصص انزال الوزن وخديت صور لناس نزلو من اوزانهم حطيتهم عندي فكومبيوتر ملي كنحس بالفشل والاحباط تنشوفهم وتنتفكر هدفي وتنتحفز
كنظن هادشي لي كاين الى تفكرت شي حاجة اخرى نكتبها ليكم وراه متبعتش شي ريجيم معين غي حاولت نقاد نمط الاكل ديالي وناكل ماأمكن اكل صحي اه مكنشربش المونادا والعصائر المعلبة
الله يعاونكم ويعاوني نوصلو لاهدافنا ان شاء الله اي استفسار او سوال انا فالخدمة اه وممكن دخلو لملفي الشخصي الى بغيتو تشوفو يومياتي ديال الريجيم درت تجمع مع مجموعة اخوات وحتى هاد نقطة ساعداتني بزاف وتحفزت معهم
المشاركة الأصلية كتبت بواسطة عفاف أم آلاء المسام الواسعة
المشاركة الأصلية كتبت بواسطة عفاف أم آلاء
المشاركة الأصلية كتبت بواسطة أم مريمتنا بغيت نحكي ليكم تجربتي اللي كانت نجحات فانقاص الوزن من كنت يلاه غانتخطب قبل ما يجي خطيبي ب شهر تبعت برنامج نزل لي وزني ومشات لي الكرش
كنت كنفيق للفجر نصلي وما كنرجعش ننعس كنشارجي فيديوهات من يوتوب ديال اليوغا وحركات البطن ساعة كنبقى نطبق وقبل الفطور كنشرب كاس مغلي الزنجبيل الطري مع القرفة كل صباح وما نقصتش بزاف من الماكلة اللي مولفة . المهم بعد هاذ الشهر اللي تلقيت معاه كيلاحظ الفرق ويقولي ضعافيتي بزاف وفعلا حوايجي كلهم ولاو يجيوني كبار .
وانا كنشوف انه الحافز هو أهم حاجة للاستمرار
دابا نقلب على الفيديوات اللي كنت متبعة ونحطهم هنا
الزيادة في الوزن
المشاركة الأصلية كتبت بواسطة أمازيغيه حره كتخلطيهم وكتولي تاكليهم مع الحليب فالصباح وباليل