بتاريخه
السلام عليكم و رحمة الله تعالى و بركاته
هادي ظ…ظ‚ط§ط¯ظٹط± و ط·ط±ظٹظ‚ط© ط§ظ„ط·ظˆط±ط·ط© لي ط´ط§ط±ظƒطھ ط¨ظٹظ‡ط§ في المسابقة و كتبها الله انها تربح بالمرتبة الاولى ههههههه
ادن على بركة الله، اول حاجة حضرت هي بسكوي الداكواز لي كان فيه
2 بياض البيض
50 غ سنيدة
100 غ سكر صقيل
100 غ بودرة اللوز
م ديال النشا
الطريقة ساهلة، تنغربل السكر الصقيل مع بودرة اللوز و النشا، نطرب بياض البيض تيتولي بحال التلج تم نضيف السكر بشوية بشوية و انا تنطرب
فالخير تنضيف العناصر لاخرين و نخلط بشوية بسباتيل، ندير الخليط فالجيب و نديرو على شكل دائرة على حسب الاطار لي غنستعمل فالمونطاج
ندخلنا للفران حرارة متوسطة لمدة 10 الى 15 د
ملي طيب و تبرد نقادها الدائرة بالاطار، نديرها وسطو و نحضر الطبقة الموالية لي غتكون عبارة على
50 غ شكلاط اسود من نوع جيد
50 غ فويتيين
50 غ براليني
ندوب الشكلاط، نزيد عليه البراليني تم الفويتين تم نسرح الخليط مزيان فوق البسكوي و ندخلي للتلاجة بينما حضرت الموس
3 اصفر البيض
400 غ كريما
200 غ شكلاط اسود من نوع جيد
20 غ سكر
3 م ك ماء
تندير الشكلاط يدوب ونخليه جانبا، نطرب الكريما ماشي تتولي شانتيي غي تبدا تشد فراسها باش ملي نبغي نخلطها متجينيش صعيبة و نخليها حتا هي جانبا
ندير السكر و الما يغلى تيولي سيرو تقيل شوية لكن بلا ميتبدل اللون ديالو، تم نبدا نطرب اصفر البيض و انا تنزيد السيرو باش يتعقم البيض، نستمر فالتطراب واحد 10 د على الاقل تتيولي الخليط لونو ابيض و يتضاعف الحجم ديالو، نزيدليه الشكلاط تم الكريما المطربة شوية بشوية و انا تنخلط
تنخوي الموس وندخل الحلوى للمجمد ليلة كاملة
بالنسبة للميروار
90 غ ماء
11O غ سكر
75 غ كريما سائلة
15 غ كاكاو
2 جيلاتين
ندير السكر والما يغلاو، ملي يغلاو نزيدلهم الكريما والكاكاو ونخلي كلشي فوق نار مهيلة لمدة ما بين 10 الى 15 د
نحيدو من فوق العافية و نزيد عليه الجيلاتن لي خاصني نكون مرطبة من قبل فالما، نحرك تدوب ونخلي الكلاصاج ديالي تيبرد ولكن ماشي يجمد، لجمد غيصك تسخنيه شوية باش تقدري تخويه فوق الكيك
نخويه فوق الكيك ونبدا نزوقها بالاشكال لي خاصني نكون موجدة من قبل
انا درتلها اطار ، درت شكلاط دايب فسلفريزي وبقيت ندير بيه دوك الخطوط العشوائية و من بعد هزيت الشكل و دورتو على اكيك
جناب درت فيه حبات القهوة باستعمال المول راه متوفر فالمحلات
خديت ورق الزواق ليتيكون مزووق ، خويت فوق منو الشكلاط و ملي بدا يجمد قطعت الدوائر
دوبت الشكلاط بيض و زدت عليه شوية ت الاسود باش حصلت على اللون البني ، وخويتو فوق دوك الميكات ليتيكونو مع الآلات لي تنشريو بحال مولينكس، وملي برد قطعتو عشوائيا
صافي هادشي لي كاين، هادا هو الشكل النهائي و اي استفسار انا موجودة
lrh]dv , ‘vdrm hg’v’m gd ahv;j fdih tlshfrm j.ddk hg’,v’m [.x hga;gh’m
تستاهلي احلى تقييم
الله يسر ولادتك يا غالية
رااااائع مميز
الله يعطيك الصحة اختي سارة طورطة واااش من طورطة فنة ومتقووونة
الله يحفضك اختي والله يكمل حملك بالف خير
يارب امين
5 نجمات للموضوع في انتضار التقييم لي باقي تااالف هههههههههههههه
المشاركة الأصلية كتبت بواسطة غذا أفضل 
بالصحة و الراحة ههههههههه