مغتربات السعودية كل وحدة تقول شنو وجدات لهاد الشهر الكريم

خوتاتي في الله
بغيت يكون هدا اول موضوع ليا هنا كنتمنا نتجمعو وكل ظˆط­ط¯ط© عندها شي حاجة دارتها لدارا في هاد ط§ظ„ط´ظ‡ط± الفضيل تقولها لختها سواء من الاكل او من التوجاد ديال الدار او اي حاجة
يالله نتعاونو وخا انا دبا كندوزو في المغرب قلت نحسسكم كفحال الا كلكم في المغرب
يالله نجتامعو هنا فحال داك الجارات لي كل ظˆط­ط¯ط© كدق على التانية شنو وجدتي شنو ديرتي كنضن هادي من عادات المغرب معتقدروش تطبقاها مع جيرانكم ديال بصح طبقها مع خواتاتكم في الغربة
يالله نبداو باسم الله

---

lyjvfhj hgsu,]dm ;g ,p]m jr,g ak, ,[]hj gih] hgaiv hg;vdl jr,l k[phj ,[]m

ياك ماكلشي ضربو الكسل ف هاد رمضان لبنات شنو وقع موجدتو والو؟؟؟؟؟؟؟؟؟؟؟؟؟؟؟؟؟؟؟ظ

اهلا اختي بنت العرايش اش خبارك و مرحبا بيك ف السعودية ان شاء الله
الله يجيبك على خير
مدينتك تبارك الله زوينة واخة راني زرتها قديم يمكن ف 1997
مشيت لها و للقصر الكبير و طنجة و تطوان تبارك الله الشمال غزال
بالنسبة لتوجاد رمضان انا وجدت لي كيش
لي ميني بيتزا
و بطبوط د التعمار
صافي هاد الشي اللي وجدت حاليا
و خديت راحة الخميس و الجمعة و ناوية ان شاء الله من غدة نبدا التفريز ديال داك الشي د الحريرة حيت انا من الناس اللي ضروري الحريرة يوميا
الى ما كانت الحرية ف الطبلة ما تعمرش لي عيني
عوالة ان شاء الله غدة نسلق مطيشة و نقطع البصلة و نسلق الحمص بكميات كبيرة و نفرزو
و باغية ندير لي شوصون بالطون تاهوما نفرزهم و شوية د المعجنات بالسبانخ
ان شاء الله هاد الشي اللي ناوية ندير غدة و الاحد ان شاء الله نضربها بواحد التخميلة للدار و نجلس نتسنا السي رمضان اللي يدخلونا عليا بالصحة و الخير و الرزق و ينعاد علينا ان شاء الله و احنا ف اتم صحة و عافية
و نتي اشنو وجدتي

ختي ديالي ربي يخليك راه عينك الي زوينين وتباركالله عليك والله يعطيك الصحة معندي منسالك ماشة بالسستيم ديال المغرب ومتخلي والو في خاطرك وخا بعيدة عليه
شوفي راه انا دوزت 3 درمضانات بلا عائلتي وبحدي ولاكين بتقاليدنا محسيتش بالفرق
الله يعاون كل وحدة على دارها وياربي كل وحدة سواء متزوجة مغريبي ولا لا متحسش بانها خصاها شي حاجة

سلام المسفيوية نسيت سمييتك سمحيلي أشنوكاتعاودي فين غبرتي تبارك الله عليك حادكة عطيني عافاك طريقتك ديال ليشوصون معامرين

من ناحية توجاد انا دبا مع ماما قلتلها انا عليا شقى هاد العام رتاحي
طبعا هنا في الشمال الحريرة مشي دائما خسنا نوعو بلاسوب ديال الحوت اولا دلخضرا يعني نهار هكا ونهار هكا كنوجدو الكروفيت والحوت البيض ضروري
درت البريوات الي معمرين بتعميرة البسطيلو وحدين معمرين بالخضرة والكشير
درنا سلو والشباكية طبعا على راس القائمة + المخرقة والرغيفة
وفرزت الفروي ديال العصير راك عارفة العرايش عامرة فريز غير غسل وحط في الفريكو باش غير نجبدو وطحن مع هاد الصهض
هاد الشي الي كاين في هاد الساعة

اهلا حسنا اش خبارك
سميت عزيزة ا الزين ويلي نسيتيها
اوا عقلي فيها ههه
بالنسبة لطريقة الشوصون كندير ا لالة الدقيق تقريبا كيلو كتديري معاه بيضة و 100 غرام زبدة و قبصة د الملح و الخميرة
تعجنيها عادي بالما دافي و تخليها ترتاح
و تاخدي مقلة تسخني فيها الزيت و تلوحي فيه البصلة مشلضة حتى تدبال و ترشي عليها شوية د الملح
و مناين تدبال البصلة شوية تزيدي عليها خيزو محكوك تقريبا 2 خيزوات و الزيتون خضر مقطع و ترشي عليه شوية د البهارت د البيتزا
انا كنشريها هنا واجدة
الى ما لقيتيهمش ف المغرب ديري الكمون و الزعتر و شوية د البزار و صافي
و ف الاخير زيدي الطون و خلطي و جلطي داك الشي و بقاي كتاخدي بالشوية بالشوية و تعمري العجينة
انا كنقطعها مدورة و نعمر و نطويها عرفتي كفاش كتجي بحال نصف دائرة ههه
و دهني ببيضة و دخلي للفران
الى بغيتي تقليهم قليهم كيجيو زوينين لكن انا كندخل للفران لان راجلي عندو الكولسترول و ممنوع عليه المقالي
او بالصحة و الراحة

اوا بالصحة و الراحة
انا العصير كنديرو نهار بنهارو هههه
الحاجة اللي ما كنفرزهاش هي الفروي
نتي راكي مزوجة مصري ياك

يه حبيبة مزوجة مصري هادي 3 سنين

راه حتى انا مزوجة مصري
هي الحال من بعضو
ههههه