معدتي و الصيام ساعدوني عافاكم

سلام عليكم
رمضان كريم و الله أكرم
الله يخليكم ط³ط§ط¹ط¯ظˆظ†ظٹ ب شي وصفة أولى شي حاجة نشربها تنفعني ، هاد رمضان سبحان الله جاني ألم حاد ف المعدة نهار لاول لموت شفتها من لحريق أ تاديرلي دوخة
فطرت ست أيام كانت فيا العادة الشهرية تانخد نهار كامل كويس ديال فلان أ فلفطور غير سوائل حتى هما تايداروني
أ دابا صمت هاد نهار والله ضبابة تاتبانلي أي حاجة بغيت ناكلها تتجيبلي ردان
الله يخليكم لي عندها شي حل باش نقدر نصوم ف خاطري مع الصلاة أ الشغالات ديال الدار الله المستعان مانقدر ناكل حتى حاجة راجلي تايقولي مسكين غي حيت مامعك ف العمرة موالفها توحشتيها مشت ليك شهية وأنا را هادشي عندي عضو ههه
واحد الكينا جابتها لي عجوزتي مسكينة سميتها malox تانكلها تانوالي شوية
شكرا

---

lu]jd , hgwdhl>>>> shu],kd uhth;l hgwdhl

السلام عليكم ورحمة الله وبركاته

اختي الله يشافيك ويعافيك والله يجيب ليك ميمتك على خير
شوفي الحبيبة غتاخدي شوية الزعتر يكون جديد ومنقي شوية الكروية وشوية النافع وعمليهم فشي كموووسة وخودي قرعة تاع الماء ولوحي فيها ديك الكموسة وبداي تشربي هداك الماء عمليها فالصباح وفالفطور بداي تشربي منها وان شاء الله غتحسي براسك مزيانة غي بعدي من الماكولات لي فيهم حموضة بحال مطيشة
الله يفرجها عليك اختي

شكرا حبيبة على الجواب السريع الله يعطيك مانويتي ف هد الشهر المبارك
نذرها إن شاء الله واخا معرفتش أشن هي الكروية نسول عليها أ الماء واش سخون
را حالتي ربي لي عالم بها تانشوف ف pc أ تانشوف ضبابة تاتقتلني هد المعدة مامخليني نغلاض أولى نربي صحة الله يشوف من الحال أ صافي دعو معايا
ماتعيش تانحول نبعد عليها واخا عزيزة عليا لحريرة ماتاتجينيش نذرها أ ماندوقش هههه

بصحتك وراحتك اختي والله يجازيك كل الخير على الدعوات ولك بالمتل واكتر اختي
شوفي عملي ماء معدنى اوماء عادي بلا ميكون طايب ومن الافضل اختي فهد الفترة تبعدب على الحريرة والحاجة الميدمة نوعي فالسلطات وكوليهم حت شبعي والله العضيم الا غتحسي براسك بيخير ان شاء الله
والكروية اختي راها معرفة والا كنت مغتربة وملقيتيهاش اكتفي غي بالزعتر والنافع
حاسة بيك اختي الله يفرجها عليك والله يرد ليك بصحيحتك راه المعدة تتعمل هكا وتتعطي حت صداع الراس وان شاء الله ملي يخرج رمضان بداي تاخدي 7 حبات تاع الحلبة بلا متكون مطحونة على الريق وتبعيها بكاس تاع الماء راها غزززال للمعدة متفوتي فيها اسبوع وخا تاكلي ميضرك والوووو وغتفتح ليك الشهية
تصبحي بالف خير الحبيبة

السلام عليكم ورحمة الله وبركاته
ختي الا تقدري تشري دوا سميتو اومبرسول تشربيه قبل متاكلي ب ربع ساعة وحدة خلال 24 ساعة
وحاولي تاكلي غي المصلوق ولا المبخر لمدة 3 ايام و شاالله متبقاش ضرك و كاناكد على الاكل لي قلت ليك ميكونش فيه والو د صوص
الله يشافيك

الله يشافيك اختي ويعافيك انا حااااسة بيك حيت دوزاتها علي المعدة مخليت ما درت ليها العشوب كلهم درتهم اللي قالو لي الناس درتو ووالو الموت شفتها بعيني والله العظيم ودرت التييو ديال المعدة ولقيت عندي قرحة وخرجات لي التحاليل فيهم واحد الجرتومة سميتها helico bacter pylori ودرت ريجيم ومع الدوا وليت شوية الحمد لله ومع الحمل رجعات تاني كتقتل فية اللي كليتها نردها وولدت وباقة لدابة كتجيني كريز ديالها حتى طابت
نوصيك اختي من غير النافع والكروية وعرق السوس مديريش شي حاجة اخرى راه العشوب كيطيبو المعدة
انا دابة اللي نافعني هو اني ناقصة من المواد الحامضة والحريفة والحاجة السخونة بزاااف
كناخد مرة مرة منين كنحس بالحموضة او الالم واحد الدوا سميتو zantac هو اللي لقيت عليه راحتي راه كيدير 50.70 درهم ما غاليش ومتفوتيش حبة فالنهار
الله يشافيك اختي ويعافيك في هاد العواشر العزيزة عند الله

شكرا حبيبة
لا أنا أختي غير ف مغرب لعشابا حداية موجودين غي ماعرفتهاش كي دايرة أ صافي إن شاء الله نذرها أ فين ما شربتها ندعي معاك
را تانجلس ف طبلة ديال فطور تانبقا نشوف أ تجيني لبكي معقدة ناكل والو مروعة تانقول هادشي درتو ما دقتوش هههه
الله يجازيك بلخير أ يخلي ليك ولدتك

شكرا أختي الله يعطيك مانويتي ف خطرك
أنا مابغيتش ندوز قتلوني ب دويات بلا فايدة
صراحة مدة أ هي ميكا عليا حتى لدابا عاد فاقت عليا
سبب واحد دويات خرجهوملي واحد طبيب على واحد دبرا ديال سباط تقولي معرف شنو عندي الله يسمحليه هما مجهدين قتلولي لمعدا ديالي هادي مدة و أنا نعاني

شكرا أختي الله يعطيك مانويتي ف خطرك
بعدت على كلشي أنا باغة غي ناكل شي حاجة باش نصوم أ نتقوا شهيوات ودعتهم تانقول لهم فيا جوع أولى ناكل أ تشدني لحريق أ دوخة

ختي دوا لي قلت ليك ماشي مهدى هو حامى للمعدة سولي عليه في فرماسيان را يشرحو ليك انا كنشرب دوايات بزاف هو لي نافعني بالنسبة للاكل بطاطا مسلوقة الا درتي روز مسلوق شوية السدر ديال الدجاج مشوي فمقلاة و غادي يفوتك الحال انشاء الله وحاولي التاكلي الا مكليتيش غادي تاتري على الكلاوي ديالك على المعدة نفسها الله يحفض