بمناسبة الشهر الفضيل هادي هي تجهيزاتي الرمضانية اول حاجة قبلو على تصوراتي حيث طابليت كتصور من القدام لقيت صعوبة بزاااف باش نصور
تجهيزاتي التنضيفية:
اوى خملت كوزينتي العزيزة اللي هي كلا اول شهر كنخملها لا هي لادار اوى نخليكم مع صور غسلت البلاكارات بجافيل وسانيكروى حتى ولات ريحتهم عاطية ياسلالالالام غسلت الميعنات اللي كنستعمل بشكل يومي اما حاجة ضياف كلا حاجة فكرطونتها فسدة ديال الكوزينة كنهزهوم غير فالمناسبات فقط وغسلت جاج ديال البلاكارات ونوافد نخليكم مع الصور 
من بعد ماغسلت ومسحت كلشي رجعت كلا حاجة بلاصتها 
صبنت طلامط والمانط وزربية وليزور اللي كنستعملو فقط وحاجة ضياف راها محطوطة ونقية خملت البيت فاش كناكلو والكوزينة اما الصالون والبيوت الاخرين كلشي نقي دوزت عليهم تدويزة خفيفة وصاف نشفو المانط اللي كنستعملو اماحاجة ضياف ماقستها حيث كلشي نقي
السيجور غير دوزت عليه تدويزة خفيفة وحتى البيوت وصالون كاشي عندي نقي
وهدا تنضيفي للصالون
تجهيزاتي المطبخية:
غسلت جنجلان وخليتو حتى نشف ونقيتو هو ونافع وحبة حلاوة ولوز وكاوكاو ودرتهوم فبلاكار خاص هو و كاع اللي كيخص مقادير شباكيةوسلو
وجدت اللحوم ودرتها فالمجمد وج
دت فقط اللي غنحتاجو ف 15 يوم فقط و15 الاخرى كنجيب وحدة اخرى والحوت مجمدوتش كيعجبني طري وكلا نهار ناخد القياس اللي غندير فنهارو جبت تقلية نقيتها وقطعتها ودرتها فالمجمد واللحم جيتها فقط للحريرة ودجاج خاص للفرن درتلو العطرية ديالو ولاداند وكفتة خاصة بتعمار رغايف ومسمن طحنت ماطيشة ودرتها فميكات وكذالك حمص رقدتو ودرتو فميكات وربيع حتى هو الكرافس درتها العام اللي فات فالمجمد ماعجبتنيش هاد العام قررت نبقى نوجدها فبلاصتها
الحلويات
صاوبت الشباكية و كراوش مسوسين وبليغة ان شاء الله يتقداو نوجد واحد اخر وبلاصة بليغة غندير بريوات او مقروط
صاوبت سلو ووجدت ليه لقوام من غيرالدقيق وزبدة ودرتو فسطل غنبقى نهز منو اللي غيقدني فالاسبوع ونزيدو دقيق وزبدة هكى كيبقى ديما لذيذ وجديد وهذا هو سر ديال سلو ديالي وكيعجب الجميع هههه وشديا واحد نص كيلو لوز صلقتو وفسختو وقليتو وحطيتو فالمجمد باش كلا مرة نهز منو نزين بيه سلو بلا مانبقى نصاوب كلا نهار
ونتمنى يعجبكم تقريري وتوجادي أخواتي
وأخر شيء منساوش تجهيزاتي للصلاة
صبنت حوايج راجلي الخاصين بالمسجد وعطرتهوم بمعطر من البخور وكذالك العبايات والخمارات دياولي الخاصة بالصلاة وديال بناتي كيلبسوهم للمسجد و لدار القران ودرتهوم فبلاكار خاص باش مايتلفوش لينا مع الحوايج الاخرين
وهادو دياولي عبايات بخمارهم لصلاة
وهادو ديال بناتي ايضا لصلاة
حطيتهوم فبلاكار خاص من بعد مامسحتو وعطرتو باش مايتلفوش لينا مع الحوايج
صبنت سجادات ديالي وديال بناتي وعطرتهم وحتى بنتي الصغيرة مانسيتهاش
نتمنى يعجبكم تقريري وتوجادي وعواشركم مباركة
lahv;jd flshfrm hgj[id.hj hgvlqhkdm gskm 2024
المشاركة الأصلية كتبت بواسطة ماما شرف 
الله يبارك فيك الحبيبة وشكراااا بزاااف على المجهودات الطيبة اللي درتي معانا والله يجازيك بالخير
المشاركة الأصلية كتبت بواسطة ilham34 الله يبارك فيك الحبيبة وشكرا بزاااف راني صفط ليك واحد دعوة غتلقايها فتنبيهات نتمنى تقبليها
المشاركة الأصلية كتبت بواسطة مها جوري الله يبارك فيك حبوبتي ربي يخليك
المشاركة الأصلية كتبت بواسطة مرجانة 1980 الله يبارك فيك الغزالة ديالي وشكرا بزااف على التقييم والمرور العطر