مسقعة بالخضرة من مطبخي

المقادير
بادنجان حوالي كيلو مقلي على الطول
5 بطاطس مقطعة دوائر ومقلية
2 حبات قرع مقطعة دوائر ومقلية انا كانت عندي غير وحدة حكيتها طوليا
جزر محكوك على الطول ومشحر في زويتة
فلفل اخضر واحمر حلقات (اختياري)
كفتة 250غ
3 طماطم مقطعة ومقومة بالتوابل ملح + ابزار + خرقوم +فلفل احمر
ملعقة ماطيشا ديال الحك
صلصة بيشاميل الكل يعرفها وما فيها باس ندكر مقاديرها
ملعقة زبدة عامرة ندوبها في كاسرونة ونزيد عليها ملعقة دقيق ونحرك مزيان ونزيد رابعة حليب ونحرك مزيان فاش وجدت زدت عليها مليحة وابزار و3 فرماجات مثلثين
الطريقة ستوضحها الصورة انشاء الله
نجيب مول ونستف دوائر الدنجال المقلي ثم البطاطس ثم القرع …نصب عليهم الصوص طومات بعد ما طيبناها وزدنا عليها الكفتة وحركناها باش تتحل لينا انا شحرت القرع والجزر وزدتو عليهم
ونغطي الكل بالبطاطس والدنجال ونصب البيشاميل وفي الاخير حكي عليهم فرماج احمر ..للاسف انا مدرتوش …هو كيصاوب لينا وجه لكراتان ديالنا ويعطيه لون جميل …