ملوزة معمرة بالحامض
اخواتي ان رجعت وجبت معايا واحد ملوزة بالحامض .
المقادير
200غ لوز مقشر ومطحون مع 100غ سنيدة
معلقة صغيرة روح الحامض النوع الجيد كيتباع بلعبار عند مول الحلوى وتايكون خاتر بحال جيل .
قشرة حامضة محكوكة .
2اصفر بيض +1بيضة كاملة .
راس معلقة صغيرة خميرة دلحلوة .
سكر كلاصي مخلط ما شوية ديال لخميرة دالحلوة .
2 معالق زبدة لينة .
الطريقة
خلطي اللوز مع الروح دالحامض والقشرة ديال الحامض والزبدة والبيض الاصفر والبيضة كاملة
كالتجي مرخوفة شوية دهني يديك بالزيت وكوري كويرات صغار وفنديهوم فسكر كلاصي المخلط بالخميرة وبسطيها شويا من الوسطكاتجي دائرة مقادة ماشي كورة وديريها فالصينية ودخليها للفرن متوسط الحرارة لمدة بين 5 و7 ديال القايق حتى التشقق و مخاسهاش تبق فالفرن مدة طويلة باش متقساحش وماللي تخرجيها عاودي فنديها فسكر كلاصي بلا خميرة او خليها هاكاك حسب الذوق .
انا ستفتها فبواطا ودرتها فالثلاجة باش كتبقى باردة ومنعشة بمداق الحامض .
كنتمنى تجلربوها وتردو عليا لخبار مغاديش تندمو انشاء الله .
مين جبتي الصورة واش من المنتدي الا كانت منوا دابة مولاتها تدخل وتعطينا الرابط