مساعدة بخصوص الغراز

سلام اخراتي انا الحمد لله تفكيت على خير وداز كلشي مزيان ولكن من بعد كرفسوني شوية ط§ظ„ط؛ط±ط§ط² حيت درت 30 غرزة
عفاكم لفايتة والدة بالغراز تقولي شنو كانت كادير ليهم باش براو ليها بزربة
انا حاليا مكنقدتش نمسهم بيدي كنعمر البيدي بالما دافي وكندير فيه بيطادين وكنبرك فوقو
نتمنى تفيدوني في هاد العواشر الله يسر اموركم

---

lshu]m fow,w hgyvh.

الحمد لله على سلامتك اختي و مبروك متزاد عندك
الغراز اصعب حاجة دزت منها ههههههه كنت كنقول اللهم نزيد نولد 2 الا 3 د المرات ولا ندير الغراز الحمد لله على كل حال و الله اسمح لينا من حق الواليدين
ندوزو للمهم اهم حاجة حاولي تحركي و تمشاي غير شوية متعذبيش راسك تاني
الكمادات الساخنة الصراحة حتى انا كنت نرتاح عليهم و لكن واحد الوقيتة بداو الغراز كيدوزو بشوية ديال الدم ملي عيطت على info santé قالو لي نبدا نكمد بالبارد حيت الما السخوووووون هو لي دار لي داك النزيف
شخصيا كنت كندهن بالعسل حرر بعد كل غسلة و رتاحييييييت عليه في الاول كيحرق ششووووووية و لكن من بعد الرااااحة و هادي جبتها من راسي هههه
ملي يالاه ولدت بديت كنقلب على الحل بحالك و لقيت الناس كيهدرو بزاف على الشيح و لكن مستعملتوش اختك مغتربة و مكانش عندي

اه و الى كانت عندك ديك الخدية ديال الرضاعة على شكل هلال بداي تكلسي عليها الى كنتي مضطرة باش تهزي شوية الثقل على الغراز

سمحي لي طولت عليك كنتمنا يفيدك هادشي ولو بالقليل

نسيت حاجة اخرى الطبيبة معطاتني لا دوا لا والوو قالت لي غيبراو بوحدهم المهم تكون ديك البلاصة نقية و ناشفة مزيان

الحاجة الوحيدة لي عطاتني هو مسكن الآلام ناخدو حسب الحاجة و نفعني بزاف

الا تفكرت حاجة نجي نكتبها ليك ههه

الحبيبة الحمد لله على سلامتك انا نقول ليك تجربتي مع الغراز اولا مكتريش من الماء من الاحسن تنضفي ببتادين ثم تستعملي واحد رشاشة ديال addax protection spray رها فعالة من بعد تنشفي بسشوار مزيان في الاخير ديري كريم

Addax CICA B5 Emulsion
Réparatrice (50 ml)

نقدر نقول ليك الى تبعتي هاد الخطوات غادي تبراي بسرعة في ضرف15 يوم على الاكثر. حاجة اخرى مهمة من الاحسن يداويك شي حد
حيت بوحدك ميمكنش على الاقل مرتين في اليوم والله يوفقك

شكرا اختي على اهتمامك ربي يخاليك
حتى انا مغتربة ومعنديش الشيح قالتو لية ماما
ان شاء الله نتبع نصائح شكرا بزاف

شكرا اختي على الرد ديالك انا غنحاول نقلب على هاد الدوا واش كين هنا
حيت طبيبة هنا معطاتني والو قالت لية راه يبراو بوحدهم
ولكن محنوني شوية

واش متاكدة انهم تلاتين اختي راه مايمكنش

اه اختي متأكدة مكتوبة لية في الملف 30 punti يمكن بالذاخل وبرى

اه ربما اختي وبزااااف انا كنت تندير غير تلاتة تيمحنوني
الله يكون فعونك

السلام عليكم و رحمة الله و بركاته
مبروك عليك و الحمد لله على سلامتك
اختي ديري ازير و اتاي و الشيح و الخزامة و طبخيهم فالماء و صفيهم و توضاي بهم و هما دافيين و الى ما كانوش عندك على الاقل واحد فيهم و عنداك البرد راه هو لي كيضر فيهم
و ممكن الى كان عندك ازير او خزامة او شيح ديري او كاملين ديريهم فشي مقلة مع قطرات زيت بلدية و خليهم سخاان و ديريهم فزيف حياتي و كملي من عندك ههه
و الله يشافيك و ديييما خاصك تحاولي من البرد وخا يبراو راه فالبرد كيضرو