السلام عليكم ورحمة الله وبركاته
عواشر مباركة ورمضان كريم ان شاء الله
جبت لكم اخواتي واحد الوصفة معتمدة عندي في اللمجة يعني الGوتي وهي ساهلة وسريعة التحضير
وتصلاح حتى لفطور رمضان ان شاء الله
هو اصلا ظƒط±ظٹط¨ ولكن دخلت عليه تغييرات حيث بصراحة انا من النوع اللي كتقهرني ريحة البيض وزفورتو في الماكلة
وقررت نحيدو من بعض الوصفات وبعد التجربة صدقو مزيانين الحمد لله
بلا مانطول عليكم غانعطيكم المقادير والطريقة في نفس الوقت
وهاذ المقادير كايخرجو تقريبا 25 حبة
في اناء ديري نصف لتر حليب و4 معالق سنيدة وقبصة ملح واحد فاني وكاس ماعامرش زيت
انا ماكنعبرش عيني ميزاني وقشرة حامضة او برتقالة محكوكة الا كاينة.
خلطي كلشي غير بالطراب اليدوي وبداي تضيفي الدقيق معاه خميرة ديال الحلوى وحدة حتى تولي عندك عجينة جارية فحال ديال البغرير
او اقل يعني جارية مزيان حيث الدقيق غادي يشرب .
من بعد 5 دقايق بداي طيبيه في مقلاة او فران ماكيلصقش
عمليه فحال البان كيك غير تحسي بيه قبط في راسو قلبيه وهاهو واجد بالصحة والراحة.
للاشارة اخواتي في الاصل كنت نستعمل دقيق الفورص ولكن جربت الدقيق ط§ظ„ظƒط§ظ…ظ„ اللي بنخالتو وصدق رائع
وحتى ولادي كايعجبهم بزاااف… ممكن تدهنيه بالعسل او المربى كايجي مزيان.
lhi, ;vdf fyvdv ,fgh fdq ,fhg]rdr hg;hlg
تسلم الايادي
شكرا لك
ما شاء الله عليك مشرفتي، فكرة رائعة
الله يعطيك الصحة
فكرة غزالة
