لى واحده تزوجت بمصرى فى السعوديه تفيدنى

انا من الناس لي ما يبغيوش التعميم وهاد المشكل مطروح علينا احنا المغربيات قبل ما يتطرح على المصريين

جميع الدول العربية كتعرف عير الخايبة عل المراة المغربية ملي كتقال فينا خايبة كنقولو علاش راه غير فئة مننا

اذا حتى حنا خاصنا نمشي على نفس المنطق لي بغينا الناس يفكرو فينا بيه

صحيح كاينين نماذج من المصريين خايبين ولكن واش عرفتو مصر شحال فيها من نسمة قد ما يكونو الخايبين غايكون الاضعاف دياله مزيانين

لي قالت خليجي خاطبها قالو الخليجيين ما فيهم ما يدار خايبين و تيتزوجو غير على المتعة من بعد يطلق

لي قالت سوري ولا فلسطيني قالو ولاد الحرام وما فيهم ثقة وحاقدين

لي قالت لبناني قالو مخنثين ومبنتين جنس ثالث

ايوا شكون بقى يتزوجو هاد البنات من المريخ لا ما جاهم تاشي مغربي ههههههههههه

شر البلية ما يضحك

اختي ما نقولك لا مصري ولا غيره تيهم الشخص في حد ذاته اولا : مسلم ؟ سني ؟ متدين ؟ متخلق ؟ ظروفه مساعداه ؟ اهله ما معارضينش ؟ هذا هو الاهم شي حاجة اخرى ما يمكن الحكم فيها من الاول

نجي دابا اختي نجاوبك على الاستفسار وسمحي لنا بزاف الا الموضوع خدا اتجاه اخر

اولا ديري في بالك ان هاد العام السفارة السعودية منعات الفتيات المغربيات من العمرة و الحج الا كانو شابات ولو يمشيو مع محارمهم

ملي لقاو اعتراض قالو حقا بغينا نسبقو لي كبارات اما الصغارات باقي امامهم فرصة

ثانيا ما يكتبوش لك في السعودية لا ما كانش معاك ولي امرك و لا كان الوالد اوك لا ما انش خاص خوك شحال دالاوراق تاهوا وفيهم طلوع ونزول هذا فحالة كنتي غاتمشي للسعودية تكتبي وترجعي يعني ماشي تبقاي تماك

ثالثا الا كنتي غاتبقاي تماك من بعد العقد غاتلقاي مشكل في الاقامة مجرد يفوت وقت الاقامة المؤقتة غاتولي اقامة غير قانونية ايوا اش جا ما يصحح الوضعية ديالك تولي قانونية وتولي واحلة لا انتي قادرة تصححيها ولا قادرة ترجعي فحالك

نصيحة شوفي حل اخر لا كنتي متاكدة من السيد وواثقة منه اما العمرة صرفي النظر عليها