لنحتفل بالذكرى الثالثة لانشاء منتدانا مع هاته الطرطة الرائعة

انيقاتي اليوم احضرت لكن طرطة رائعة وسهلة في التحضير
احتفالا بذكرى ط§ظ†ط´ط§ط، هذا المنتدى الراااااائع
نبدأ على بركة الله المقادير والطريقة
مقادير الجينواز:
ـ 4 بيضات
ـ 125 غ دقيق
ـ125 غ سكر
مقادير بافاروا الفريز:
ـ 500 غ فريز
ـ حامضة.
ـ 6 أوراق جيلاتين ( أو 15 غ بودرة)
ـ 40 سل كريم فريش سائلة او 400غ على حسب المتوفر عندك
ـ 220 غ سكر
مقادير الجلي:
ـ 350 غ فريزاو(علبة كولي فريز)
ـ 3أوراق جيلاتين ( أو 8 غ بودرة).
ـ 3 ملاعق سكر( أو حسب الذوق).
الطريقة :
الكل كيعرف الجينواز وطريقة تحضيرها لكن اليوم جبت طريقة اخرى ساهلة وكتجي غزالة
نطربوا أبيض البيض مع قريصة ديال الملح

مني يولي قوي نضيفوا السكر ونستمر فالتطراب منين يولي فحال الثلج نقصوا السرعة
ونزيدوا صفار البيض دفعة وحدة
ومباشرة من بعد الدقيق

وقفوا الطراب باش الخليط يبقى مهوي
ثم نعملوه فالمول : درته فهذا حيث حاجتي بطبقة رقيقة ديال الجينواز

10 دقائق فالفران لي يكون مسخن على 180 درجة وهاهي الجينواز واجدة

نوجدوا البافاروا
نطحنوا الفريز + سكر + عصير حامضة

نحطوا كلشي فكسرونة فوق النار ..

نعمل وراق الجيلاتين في الماء باش يترخاو

ثم نضيفوه لخليط الفريز ونحيدو الخليط من فوق النار ونحطوه على جنب يبرد شوية

فهاد الأثناء نطربوا القشدة الطرية لي خاصها تكون باردة مع 3 معالق كبار سكر

حتى تولي شانتيي
ثم نصبوا خليط الفريز على الكريم ونخلطوا مزيان

نوجدوا إطار بدون قاعدة ونقطعوا بيه الجينواز ثم نسقيو الجينواز باش ما بغيتي انا عملت سيرو ديال الاناناس لي كيكون معلب

من بعد نصبوا عليها خليط الفريز والكريم وندخلوها للثلاجة حتى تشد في راسها الى كنت مزروبة دخليها للمجمد

لما تخرجوها من الثلاجة تأكدو انها تجمعات مزيان مبقاتش سائلة
الان نحضر الجلي
طحنوا 350 غ ديال الفريز مع 3 ملاعق سكر ثم نعملوها فوق النار تسخن مزيان وقبلا نكونو عملنا الجيلاتين في الماء باش يترخى ثم نضيفو على خليط الفريز نحرك جيدا ونزولوا الخليط فوق البوطة
نخليوه يبرد شوية