لعيون الأنيقة ghita2024 وصفات شميشة لي جربت وصدقات لي

750 غرام فورص
زلافة سنيدة
كاس زبدة مذوبة
4 معالق مازهر
كعلقة ونص زنجلان
نص معلقة نافع
شوية مسكة حرة
2 معالق خميرة العجين

حلوى ديال الكركاع

125 غرام زبدة لينة
125 غرام شكلاط أسود قطع
125 غرام سنيدة
نص كاس شاي من الزيت
1 خمارة
250 غرام دقيق
حبة50 كركاعة
شوية ملحة

نخدمو الزبدة و الزيت وسنيدة مزيان بمعلقة عود حتى يتخلطو
نزيدو قريصة ملح و الخمارة على الدقيق و بداو نضيفوه على خليط الزبدة و الزيت وسنيدة حتى الحصول على عجينة مجموعة مزيان ، نديروها كويرات ، ندخلوهم للثلاجة 25 دقيقة ، ثم نخرجوهم نطلقوهم بالمدلك بين ورق سولفيريزي باش متلصش في المدلك .
نقطعوهم بقطاعة دائرية قطرها 4 سنتيم مسننة من الجوانب ، نطيبوها في فرن متوسط بين 150 و 180 درجة ، 15 دقيقة و نخرجوها ، نذوبو الشكلا ف بان ماري و نديرو شوية منو فوسط كل حبة ونلصقو عليها نص كركاعة ونرجعوها للتلاجة غي جهد ما يجمد الشكلاط وصافي.
يلا كان الفران غي تقليدي نسخنوه 20 ديقة قبل ما ندخلو الحلوى ،

حلوى ديال الكوك ( شعكوكة)

3 كيسان عنبة سنيدة
6 كيسان كوك
3 بيضات
فواكه معسلة

نخلطو البيض و السكر مزيان باليد ، ونزيدو الكوك و نخدموه حتى يتجمع
ناخدو برؤوس الأصابع القياس لي بغينا و نحطوها فلاطة مدهونة بلا ما نجمعوها ، يعني تبقى مشعككة
و نغرسو فوسطها فواكه معسلة ونطيبوها 10 دايق وصافي ، تكون موردة

فقاص مسوس

500 غرام فورص
5 بيضات
200 غرام سنيدة
نص زلافة لوز ، أنا كنقطعوا بموس ماضي بزاف ، كنعمل طريفات رقيوقين ، حيت مهرمش مكيجيش مقاد
نص زلافة زبيب ، يلا كان كبير كنقطعو كل حبة على 2
كاس زبدة مذوبة
خمارة
قريصة ملح

نخلطو المقادير الجافة كلها ونزيدو عليها البيض
ونبداو نجمعوه بالزبدة حتى نحصلو على عجينة لينة
نقسموها كويرات و نحربلوهم ، خصهم يكونو رقاق حيت كيتضاعف الحجم ديالهم
و ندخلوهم لفران 200 درجة مدة 10 دقايق ، نص طياب كيما كنديرو ديما للفقاص
و نخرجوهم نغطيوهم بمنديل باش يرطابو ، ملي يبردو كنقطعوهامونرجعوهم للفران يتوردو.

gud,k hgHkdrm ghita2019 ,wthj aldam gd [vfj ,w]rhj Hojd hggi