لعلاج فقر الدم وضعف الشهية

السلام عليكم يا الأنيقات اش خباركم نتمنى تكونوا بخير
انا كنت نحيفة و من بعد ما ولدت زدت كملت لالة زينة و زادها نور الحمام ههههههههههههههههههههههههههه كانت شهيتي معدومة و الى غير شفت الماكلة تنبغي نرد المهم من بعد ما فطمت ولدي قلبت على الحل
هاد الوصفة شفتها فواحد المنتدى و جربتها و نفعت من 41 الى 52 كيلو الله يجازي مولاتها
يلاه بلا ما نطول عليكم ندوزو للوصفة:
المكونات:
رابعة كركاع – رابعة لوز – رابعة حمص رابعة كوكاو – رابعة جلجلان – رابعة زريعة الكتان + 5 دراهم بكبوكة – 5 دراهم مخلطة (حبة حلاوة + نافع) + رابعة صوجا – رابعة زبيب – رابعة شريحة+ رابعة ثمر – 3 هنريس – 3 سشيات صغار نيدو + عسل (ماشي بالضرورة يكون حر) او ديرو كونفيتير+ زيت الزيتون

الطريقة:
كناخد المكونات او نقيهم اونحمرهم فالفران او كنطحنهم (البكبوكة و حبة حلاوة و نافع) مكيتحمروش او كناخد الهنريس او نطحنها او نخلطها مع نيدو الثمر و الزبيب و الشريحة (كنغسلهم او نفورهم او نطحنهم) (فالماكينة ديالمطيشة) من بعد كنجمع المكونات مع بعض (فشي بانيو) او كنزيد ليهم (العسل + زيت الزيتون اوكنجمعو الخليط بيدنا اونخبيوه فقريعات لاداعي لوضعه في الثلاجة ويأخد في أي وقت 4 معالق كبار.
ما تنسونيش من الدعاء

---

gugh[ trv hg]l ,qut hgaidm hgpg hgai]m

شكرا لك اختي على المعلومات

wach ma3endha darar 3la lmra librat themel aw li hamla
jawbini 3afak

fin molat lwasfa jawbina