لائحة التقدية للمغربات الجزئ 18 مرحبا بالجميع

لغزالات دياولي ظ…ط±ط­ط¨ط§ بكم فالدار جديدة، الله يدوم محبتنا وجمعتنا علا خير ، الحمد لله لي جمعنا كلنا اخوات نتحابو فالله ونفيدو ونتسافدو نعاونو بعضنا.
الله يدخل علينا هاد المجمع بالصحة، السلامة، الرزق وتحقيق امنياتنا لي كنتمنواها سواء الدنيوية منها ولا الاخرة.
مرحبا باي اخت بغات تنضم لينا ، كناقشو كل المواضيع لي كتهم المغتربات واهمها الاقتصاد ومتقبلنا ومستقبل اسرنا.
الحمد لله بعد 17 جزء كل الاخوات لاحضو الفرق فتقديتهم وقدرو ينقصو من ميزانيية التقدية، كمتال اخت نقسات من 500€ ل 200€ وانا من 350(بحدي ) ل 220€ دابا ( انا وراجلي )….
إن شاء الله نزيدو نستافدو كتر وكتر ونحققو كل مكانتمناو.
لي عندها وليدات الله يصلحهم ليها ويفرحهم فيها ولي مازال الله يجيبهم ليه وتقر عينها بشوفتهم
ولي عندها شي امنيية الله يحققها ليها قريبا .

باراكا عليكم من لهدرة ودخلو ظ…ط±ط­ط¨ط§ بكم

[

---

ghzpm hgjr]dm gglyvfhj hg[.z 18 lvpfh fhg[ldu lhz]m hgpa,

سلام البنات انا عندي ماكينا ديال صابون فور ودابا درتها تصبن بدات عادي عمرات لما وبدات تصبن ودابا تبلوكات غيت بوحدها ليعندها شي حل تعتقني قبل مايجي راجلي

دابا نجاوب على لي عقلت عليه فالجزء السابق:
*ماجدة شمال: الا لا تبارك الله عليك ، الانوتة ولحداكة، وسعدات اسرتك بيك ماشاء الله لا قوة إلا بالله ، شهيواتك معتبرين.
*اريج العفاف: مالكي اختي متالفنا ، وبلاصتك كبيرة، غير رجعي لينا غنخيطو ليك البزطام واليد حتا هييا هههه، مرحبا بك اختي من جديد.
*مي عويشة: شرفتينا بزيارتك والحمد لله لي ستافدتي معانا.
*هدى: باراك الله فيك على المعلومة ديال العيد ماكانش فراسي ، راني علتها لراجلي دابا نشوفو اش نديرو .
*عزيزة: عيد ميلاد سعيد عقبال 100سنة، والله لا يجيب لي يخسر ليك خاطرك ، دخلي معانا راه حتا حنا توحشنا مشاراكتك.
*نسيمة: بصحتك التقدية ووميلفوي جاتك زوينةوديك لعجينة معرني شفتها فكولرايت دآ نرد ليها لبال إن شاء الله، وبصحتك مسبقا لمسارييا فباريس.
*ام ادم وياسر : علا سلامة راجلك وولدك الحمد لله لي جات غير فالسيارة وكيف قالو ليك لبنات ديري صدقة، هانتي عندي فكرة، وجدي شي شهيوة ونويها صدقة وعطيها لجارتك وخا ماتكونش محتاجة ، إنما الاعمال بنييات.و فلوس لمغرب خلي حتا تكوني بيتي تصيفطي لواليديك وزيدي عليهم شي حاجة يخرجوها صدقة الله يتقبل منك ومنهم.
*صفاء ام التوأم: علا سلامة راجلك والله يحد لباس.
*صفاء ( فرنسا): كيف صبحتي اصاحبتي لا باس عليك وتبارك الله عليك راكي حاضية الدار ، الله يفرحك باشما تمنيتي.
*إلهام مريم وطه: على سلامتك ومرحبا بك معانا من جديد. إن شاء الله تكوني دوزتي عطلة مزيانة.
*سعاد حكيم: هاحنا كنتسناوك تولفي المدرسة باش تنزلي لينا داكشي لي بيتي تورينا راكي عارفانا فضولييين.
*خديجة وساعة سعيدة: كيفكم وكيف عاملين مع لوليدات ولمدرسة.
ام انوس، عائشة، فاطمة، سعاد،….. فين غبرتو؟؟؟

لبنات هادشي لي شدات لي الداكرة لي نسيتها تسمح لييا

لبنات عندي واحد صاحبتي عندها عمليية نهار 30 فهاد الشهر وبيتكم تدعيو معها ربي يسهلها عليها وتنجح ليها وربي يرزقها باشما تمنات ،
الله ينجيكم من كل سوء اخواتي راني طامعة فدعاوتكم معاها حيت راها عزيزة علييا

ختي ماعندي حتا معلومة

ام هبة شك ا اللي فتحتي لينا طابق اخر الله يدخلو علينا بالسعادة وزيادة الرزق ويفرح كل وحدة باش ماكتمنا ياربي
بالنسبة لصاحبتك ربي معاها الله يشافيها ويدوز كلشي بخير

اختي نور ماعندي حتى فكرة على ماكينة ولكن الا تبلوكات لاش غادي تخلعي خلي حتى يجي راجلك ويشوفها مالها

ام هبة شكرا على الاقتراح ديالك
بالنسبة لجيران كون نقوليك ماغاديش تقيني والله ماكانعرفهم كيف دايرين فوجهم هههههه
كل واحد دايها فتيقارو من غير جارتي اللي لاصقة معايا حيتاش هي مولات دار وماكانعمرش معاها وخا فالاواخر مابقاش عاجبها الحال زاحد المرة ماشفتهاش شي شهر وخا الدار ملصقة مع داري وهي تدق عليا قاتلي جيت نشوفك واش بقا حية ههههههه ملقات سبة باش تجي تشوف دار ههههه
اما قضية نصيفط لدارنا عمري صيفت ليهم الحمد لله مامخصوصينش هوما عاد كايعطيوني
مكن نصيفط غير شي براكة لخويا هو يخرجها عليا ان شاء الله

راه طفيتها وخترجت تصبين ماعصراتوش عصرt غير انا كايفا نكولها لراجلي حيت كانت دير واحد صوت ولقيت فيها واحد لمقبط ديال شعر وخاصب عليا كاليا ماكاتقلبيش جيوبا وكاليا والله وتخصر مانشري وحدا خرا

اخواتي هاد لويكاند مشينا تقدينا، جبنا 24ليتر ماء، ك كيلو دقيق، 1كيلو فينو، سكر، مطيشة، صوص طوماط، لبيض، 2ليتر لبن، 2 ليتر حليب، 2 ليتر زيت، بطاطا، لوبيية خضرا، خص، دنجال، عنب، شهديية ، تفاح، نعناع ، معدنوس، مسحوق الغسيل، لحامض، جنجلان نافع
الجزار جبنا، كيلو غنمي، دجاجة، كيلو فخاض الدجاج، قلب وكليية بقري.
هادشي لي عقلت عليه.
ووصلت فالمجموع 180€ ، ودابا كلشي عندي فالدار الحمد لله إن شاء الله هاد الشهر مانفوتش 200€