كيكتي المتواضعة

سمحولي مزال مكنعرفش نزل الصور المهم نبداو على بركة الله
_المقادير :
بيضة- كاس عنبة سنيدة – كاس ع حليب – نصف كاس ع زيت – قبصة ملح – 1 فاني – 5 ملاعق كاكاو – خميرة حلوى 15g – دقيق حسب الخليط
_للتزيين :
شكلاط اسود 100g – ملعقة صغيرة زبدة – نصف كاس ع حليب
_الطريقة :
نخلطو الكليك بالطريقة العادية و نديروه فمول مدهون بالزبدة و مرشوش بالطحين و ندخلوه لفران المسخن من قبل على درجة حرارة 180 لمدة نصف ساعة من بعد نخليوه يبرد و نوجدو لكناش ندوبو الشكلاط مع الزبدة و الحليب مع التحراك حتى ينساجمو و مباشرة نكبو الخليط على الكيك و خاصو يتغطا كامل و ندخلوه لثلاجة و للاضافة ممكن الكيك يتقسم على زوج و يتعمر بالكريم باتسيير حيت كايجي هشيش و بالصحة و الراحة**

---

;d;jd hglj,hqum

عن طريق : softwinners – TAB 0297 3G

تبارك الله عليك اختي ، باينة غتكون لذيذة ، الله يعطيك الصحة

ربي يخليك نتوما الاساتذة و حنا التلاميذ

عن طريق : softwinners – TAB 0297 3G

الله يكبر بك اختي ، شكراً

تبارك الله عليك اختي باينة غتجي لديدة
ولكن واحد الملاحضة مدكرتيش الطحين واش مفيهاش

سمحيلي ا ختي سبحان للي مايسهى فيها الطحين حسب الخليط

عن طريق : softwinners – TAB 0297 3G

تبارك الله عليك اختي بااينة تجي غزالة الله يعطيك الصحة
سمحيلي التقييم معكس

بارك الله فيك اختي

عن طريق : softwinners – TAB 0297 3G

تبارك الله عليك أختي شوفي هاد الرابط فيه طريقة تحميل الصور

https://www.anaqamaghribia.com/vb/sho…145&highlight=