كيكة معلكة بالتفااح والقرفة من مطبخي

هاد الكيكة خديتها لبارح من موقع ايطالي وطبقتها جات زوينة بزااف
نتمنى تجربوها وتردو علي الخبار

المقادير
100غرام زبدة
معلقة قرفة
200غرام دقيق
200مل حليب
خمارة الحلوى
حامضة محكوكة ومعصورة
3تفاحات قياس 700غرام
قبصة ملح
2بيضات
فاني
200غرام سكر

الطريقة

كناخدو الزبدة ضروري تكون فحرارة المطبخ نخدموها مزياان نزيدو السكر تم البيض الحليب الفاني القرفة قبصة الملح وقشور الحامضة عاد نضيفو الدقيق والخمارة
كنكونو مقطعين التفاح وعاصرين عليه حامضة كنضيفوه لخليط العجين ونحركو الخليط ونصبوه فمول مدهون بالزبدة ومرشوش بالدقيق
مني تطيب نخليوها تبرد مزياان عاد نزولوها من المول ونرشوها بسكر كلاصي

نخليكم مع الصور واي استفسار انا فالخدمة

للتوضيح

اللي معندوش مع التفاح طاايب ونسمة القرفة فاكيد مغتعجبوش الكيكة لانها عاامرة غير تفاح ههههه

;d;m lug;m fhgjthhp ,hgrvtm lk l’fod

وعليكم السلام ورحمة الله عالى وبركااته

ربي يحفضك اختي الهام الحمد لله الامور ماشية مزياان يسول فيك الخير الكتكوتة راها محيحة هههه معندهاش مع النعاس فالعشية ههه