كيكة بالليمون والفواكه روووعة اكيد مع الصور

هادي اول مشاركة ليا هنا نتمى هاد الكيكة تعجبكم

المقادير
عجين الكيك :
2 بيضات
2خمارات
7معالق كبار زيت
7معالق كبار سنيده
7معالق عصير ليمون
7معالق دقيق
فاني
التزيين:

*كنحتاجو جوج طبقات ديال الكريمات الاول ديال الحلب والثاني

ديال الليمون
هادا د الحليب:
نصف لتر حليب
3معالق ميزينا
4معاق سكر
فاني
*وهادا ديال الليمون
كاس كبير ليمون
فلان فاني
4معالق سكر
تفاحة مقطعه لشرائح
2بنانات مقطعين دوائر

الطريقة:

اولا كنخلطو مقادير الكيك اللي دكرتهم اعلاه فالمولينكس ومن بعد نفرغوه فمول مدهون بالزبدة والدقيق ونذخلوه للفران حتى تحمر .
اما التزيين فكيفما سبقلي قلت كاين فيه زوج د المراحل
اول مرحلة تحضير كريمة الحليب : كنخلطو الحليب ومايزينا والسكر والفاني في المولينكس ونفرغوهم فكسرونة ونوضعوها على نار مهيلة مع التحريك المستمر حتى تختار ومتخفليش عليها لا تحرق ومكتحتاجش وقت طريل باش تطيب
كنخويها فوق الكيك ملي كنخرجو من الفرن طبعا بعد مكيطيب وندخلها للثلاجة تجمد
وفهاد الاثناء كنبدا نحضر فالكريمة الثانية : كنخلطو الفلان مع الليمون والسكر وكنوضعوهم فوق البوطة حتى يغلا من غير تحريك بحال الا بغيتي تصوبي فلان عادي بطريقتو العادية
كنخرجو الحلوة من الثلاجة ونستفو فوقها قطع التفاحة والبنان وكنتصبو فوقها الليمون اللي طيبنا
وندخلوها تبرد في الثلاجة وبصحتكو ورحاتكم

[sor2]https://www.anaqamaghribia.com/up//uploads/images/anaqamaghribiab132b08829.jpg[/sor2]

[sor2]https://www.anaqamaghribia.com/up//uploads/images/anaqamaghribiab13998dc9e.jpg[/sor2]

[sor2]https://www.anaqamaghribia.com/up//uploads/images/anaqamaghribia684d285cb1.jpg[/sor2]