هاد الكيكة الي درت اليوم هي من بين الكيكات اللي يمكلك ديريها وعينك مغمضين قد ماهي ساهلة ومضمون أنها غادي تجي رااائعة الصراحة تاتعجبني بزااف حيت عمرها حشمات بيا من نهار جربتها
بالنسبة للمقادير فهي
2 بيضات
كاس عنبة زيت
كاس عنبة سنيدة
كاس قهوة طايبة يكون غير دافي
قشرة حامضة أو ليمونة محكوكة
2 خمارات حمر
3 معالق كبار كاكاو
2 كيسان عنبة طحين
كانخلط جميع العناصر بالترتيب فالخلاط الكهربائي وندهن المول ونرشو بالطحين ونكب الخليط فالمول وندخلو للفران يكون مسخن من قبل
والصور كاتبين كلشي
هنا مللي خرجتها تانشوفها واش طايبة من الداخل تانستعمل العود ديال السباكيتي ههههههه باش ماتايخليش الطراس فحال الموس
صافي لقيتها طابت تانفرش ليها الورق باش مللي نزينها مانضطرش نغير الطبسيل ومللي نسالي نزول داك الورق بسهولة
هنا هاهي من بعد مازينتها
نتمنى تعجبكم وفحال ديما ماتحرمونيش من دعواتكم
في أمان الله
;d;m fhgri,m ,hg;h;h, v,,,,um
هي الكوتي عندك اليوم ههههههههههههههه
المشاركة الأصلية كتبت بواسطة غفرانك ربي 3 
هي الكوتي عندك اليوم ههههههههههههههه
الله يبارك فيك الزين ديالي مرحبا النهار الكبير هداك مانديروش غير الكيك نديرو المحمر والمشمر هههههههههههههههه
نورتيني احبيبة لهلا يخطيك
المشاركة الأصلية كتبت بواسطة أمال01 نورتيني احبيبة لهلا يخطيك
بارك الله فيك يا بنت الخير و الجود و الكرم لهلا يخطيها تديريها و تقدي بها
الصفحة منورة بمولاتها الحبيبة
المشاركة الأصلية كتبت بواسطة faty2019 |أميين احبيبة بارك الله فيك
نورتيني لهلا يخطيك
المشاركة الأصلية كتبت بواسطة omachraf q الله يبارك فيك احبيبة
زوقتها غير بالشكلاط كحل دايب فبان ماري ودوك الخطوط درتهم بالشكلاط بيض حتى هو دايب فبان ماري وزينتها بالكركاع
شكرا الزين لمرورك لهلا يخطيك
المشاركة الأصلية كتبت بواسطة omo lina الله يبرك فيك احبيبة
بالنسبة للقهوة بيهم بزوج كاتجي زوينة سواء كاس عنبة ماء دافئ مع 2 معالق صغار نيسكافيه او نيت كاس عنبة عامر بقهوة عادية طايبة
أنا كل مرة شنو تاندير على حساب اللي متوفر وبيهم بزوج تاتجي زوينة
نورتيني أختي