كيك مالح لمحبي المالح من مطبخي وبالصور

انيقاتي الغاليات جبت ليكم الجديد كيكتي المالحة اكيد الحلو كيطلع فالراس ولمحبي التغيير مرحبا بيهم عندي هههه

المقادير غنحتاجو

3 البيضات
3كيسان عامرين فورص
كاس صغير حليب مجفف
ملعقة ك خميرة العجين
نصف كاس صغير زيت الزيتون
1خمارة حمراء
ملعقةصغيرة ملح
كاس صغير ماء دافئ كنحلو بيه الخميرة
الطريقة

كنخلط البيض والملح والزيت جيدا ونزيد الخميرة لي دابت فالماء

كنخلط النواشف ونضيفهم على الخليط

العجينة كتكون خفيفة وكتلصق غطيها وخليها ترتاح

ندوزو للحشوة حاجتنا ل2 بصلات مشنفين و مشحرين فشوية الزبدة وشوية القزبوروابزار وملح نزيدو عليهم الزيتون مقطع ونصفي الطون ونزيدو ونحتافظ بيه جانبا
فاش كتخمر العجين كنزلوها فوق سطح رمشوش بالدقيق نبسطوها ونلويوها ونوضعةها فمول كما فل الصور

ونخلوها تخمر وندخلوها للفران طيب

هنا فاش طابت
نمرو الان للتزيين لانه اي كيك لابد انه يتزين

كنقطعو الكيك ل 3 دوائر حتى كيبرد مزيان
الطون كنظيفو على البصلة لي كنت شحرت

كناخد القطعة الاولى كندهنها بالمايونيزونوضع الحشوة ونوضع الدائرة التانية ونعمل المايونيز وما تبقى من الحشوة ونغطي الكل
كناخد 1 دانون مسوس ونخلط معاه 4 كيري ونغطي الكيك من الفوق ونزينو بالكتشاب انا كنت زربانة عملت غير نقط ممكن تفننو في التزيين كيف ما حبيتو