كيك بالجريب فروت الوردي

موضوع مثبت من طرف faty bel
31.01.2019

السلام عليكم
ومرحبا بيكم
ليوم غنقدم ليكم كيك بالبونبلوموس, هاد الفاكهة الغنية بفوائدها على الصحة والجمال, وزد على ذلك تميزها بنكهة خاصة رائعة اللي كتزيد لذة لأطباقنا.
نبداو على بركة الله:

*المقادير:

الزبدة 125 غ
السكر الصقيل 125 غ
طحين 125 غرام
2بيضات
خمارة
2 بونبلوموس

*الطريقة:
نطربو الزبدة (تكون على شكل بوماد) مع السكر الصقيل, نضيف البيض وحدة وحدة, ثم الطحين مغبربل والخمارة, في الأخير نضيف قشرة بونبلوموس(فقط القشرة الخارجية مدخلوش في البياض) ثم العصير ديالها ونخلطو مزيان.
ندهنو المول بالزبدة ونرشوه بالطحين, ندخلوها لفرن مسخن من قبل على 170 درجة لمدة 40 دقيقة تقريبا عاد حلي عليها وقلبي ليها طيابها بموس.
لما تدفا الكيكة نزولوها من المول ونحطوها في طبق التقديم, نسقيوها بعصير بونبلوموس كبيرمع قليل من حباب اللب ونخليوها تتشرب, نزينوها حسب الرغبة ونقدموها بالصحة والراحة .