كيفاش كدوزو نهاركم الحادكات

السلام عليكم ط§ظ„ط­ط§ط¯ظƒط§طھ الموضوع باين من عنوانو انا بغيت كل وحدة منكم تقول لينا كيف كدوز النهار يعني مني كتفيق ومعاش وكيفاش كتنظم الشقا واش كتسبق ومني كيجيو الدراري اشمن بروكرام دايرة ليهم والعشية ككدوزها وواجبات الدراري اشمن نظام عاملين يعني امتي كيديرو التمارين و معاش كتعشا ومعاش كينعسو الدراري وواش كتجمعي الدار عاد كتنعسي يعني كلشي هههههههههه مشي باش نبركك هههههههه وحتى امتى كتسالي لراسك ودوري بحالتك واش كيبقا ليك الوقت ولا بحالي كتلقايه غير بزز هههههه باغاغير ناخد فكرة من عند كل وحدة ونستافدو جميع حيت النهار عندي مرون الى فقت معطلة نجري ويلاه نسالي ويلى فقت بكري نبقى نتلاهى حتي يغدرني الوقت يعني معنديش بروكرام وهادشي ماتر فيا وممخلينيش نتنظم وخصوا عندي الوليدات والمدرسة ديالهم يلاه ط§ظ„ط­ط§ط¯ظƒط§طھ متبخلوش على ختكم راه انا متاكدة انكم ماشاء الله عليكم حادكات وغادي نستافد منكم وباغا لي يدي فيا النفس هههههه

---

;dtha ;],., kihv;l hgph];hj hgph];hm ;d,.k

تصبحو على خير الغزالات حتى لغدا ان شاء الله ونكتب ليكم كيف كيدوز نهاري وخا مغادي تفهمو والووووووو وكل نهار وعجبو هههههههههه خاصني الفلقة هههههه

مريومة حبيبتي راكي بحال الى كتدوي عليا انا دايمن مخربقة وكنحس دايمن كنجري وخاصة منين كنبغي نطبق حتى البرنامج الديني ديالي باش منفلتوش تاهو كنلقى راسي مخربقة من كلشي راجلي كيقول ليا بزاف عليك توفقي بين كلشي الدار العمل الاولاد التفكير في المصروف في المرض في دراسة الاولاد التمارين الحمام لبنتي الطياب الخ القاءمى طويلة وكيقول ليل ومنين كنشوفك وفقتي في كلشي راه على حساب صحتك ومظهرك بمعنى كنبان ليه كنضعاف من وجهي بتمارة والنعاس عندي قليل بحال دابا هاني سهرانة ومع دلك لابد نوض لقيام الليل قبل صلاة الفجر وكيقول ليا حتى على حساب مظهري هملتو يعني فخيتة زمان زمممممممممان ماشي فخيتة دابا

المهم اليوم عيت وراكي عارفة برنامجي اليومي ومع دلك غدا نكملوا بادن الله
الله يوفقنا جميعا وربي لينا عوين وميخيبناش بادن الله

الله يقدرك اختي على المسؤلية اللي عندك وتبارك الله عليك على مواظبتك لقيام الليل وصلاة الفجر
الصراحة صعيب الانسان يوفق بين العمل و الدار والاولاد ولكن اختي رخفي على راسك نهار تخطاك صحتك ماكاين اللي يهزك والشقا ميكي عليه شوية ديري غير الضروري وولفي وليداتك يعاونوك يجمعو فراشهم يرتبو كتباتهم يطويو حوايجهم ماتهزيش انت كلشي بزاف عليك اختي

وايييه راه حتى مريم ديال دبا لااااااا علاقة وخصها الفلاقة انا راه لا خدمة لاعبادة مقادة وكلشي مخربق مزربق وااااااعععععععع ودخلو عتقو الحادكات

الله يكون فعوانك الحبيبة رتاي على راسك راه الصحة مكتعوضش والله يصاوب للجميع

تصبحو على خير من هنا لغدا متعرفو شي حادكة تعتقنا بشي بروكرام زوين حنين ومفيد ومنظم باش نستهلكو بلا منتهلكو ههههههه

مني انت اختي كتقومي الليل حاولي تنعسي بكري ماتفوتيش 10 باش تلقاي الجهد باش تكملي نهارك وخاصة دابا المدرسة اكيد ولادك غينعسو شوية بكري
ومني تجي فالعشية ماشي ضروري ديري گوطي وعاد العشا جمعيهم بجوج ومني تبغيو تنعسو كولو ديسير او شربو عصير
والشقا قسميه ماشي ديريه من a حتى z اللي قديتي عليهاديريها اللي غلباتك خليها
وسمحيلي الا تدخلت ولكن حسيت بك واخا انا مخداماش

هههههه ها وحدة بحالك كلشي عندي بالگانة ماشي الدسارة هادي