السلام عليكم الغزالات الحادكات دياولنا
بغينا نعرفو تجربتكم فتعلام ط§ظ„ط·ظٹط§ط¨ و الشهيوات, وأخص بالذكر اللي حتى قربو يتزوجو عاد زيرو راسهم و بداو كيتعلمو.
شنو كانت ظروفك حتى بديتي كتعلمي الطبخ ؟
باياش بديتي فالاول وشكون اللي كان كايعاونك؟
شحال قدك ديال الوقت باش تعلمي؟ شنوهما الصعوبات اللي واجهتي؟
وفالأخير واش طھط¹ظ„ظ…طھظٹ مزيان نيت ط§ظ„ط·ظٹط§ط¨ ولا ماااشي بحال تعلام الصغر؟
عافاكوم الأنيقات متبخلوش علينا بتجاربكم, راه عدد ديال البنات مقبلات على الزواج, وعاد بداو كيفكرو يتعلمو للطبخ, ماكرهناش نصائحكم.
;dtha jugljd hg’dhf l]m rgdgm rfg lhj.,[d? Hoj
والله يخلي ليك ماماك و خالتك حتى هي
فالحقيقة الوحدة اللي ماكتزعمش تطيب عالأقل غير تبدا تشوف و تنابه؛ بعدا كتعمر راسها بشي حاجة، كتكون عارفة كيفاش الحاجة تصايبات.
أنا عمرني ماتراميت للطياب؛ ولا كان هوايتي، ولا كانو عندي ليه شي ميول.
وكنت كنقول و حتى يجي الراجل و عاد نوض تحزم للطياب.
ولكن هاد القضية ممسلكاش، حيت بعض المرات تتكون فترة الخطوبة للعرس قصيرة بزاف، ما كافياش عاد الواحد يبدا يتعلم، وعاد شحال من حاجة كيخصها العروسة توجدها؛ الدهاز،العناية براسها، طلع و هبط…
يعني هاداك النهار جاي جاي إن شاء الله، اللهم الواحد يتعلم من دابا بخاطرو والوقت الكافي قدامو…
والزوج الله يبارك لي فيه صبر علي في الاول حيت كان داك الشيئ على قد الحال
والحمد لله مع الوقت بديت نزعم ونجرب الوصفات ولي شفتها نعملها مرة تصدق ومرة لا
ودابا ختك اللهم لك الحمد كلشي تنديرو والطياب بنين ومتول بشهادة الجميع
تكون دواقة او دقيقة الملاحضة ماشي غيرتعمر كرشها فين ما امشات تشوف طريقة الصبان او المرقة كيفاش عاقدة او الملحة مازايدة مانقصة او تتقن النضافة تمالنضافة
الدجاج الحوت الكرعين الدوارة
او فين ما مشات الى عجبتها شي حاجةمتحشمش تسول كيفاش دارو ليها
لكن مع الأسف ماشي كلشي بحال هكا، كاين اللي مايعقلش عليك و مايتحملش أخطاءك، وزيد عليها عائلة الراجل اللي مكترحمش. أنا غير كنتخيل الموقف كنلقى راسي معصبة غير بوحدي.
وختكم من داك النوع اللي حساس بلا قياس و مكنرضآآآاش. داكشي علاش بغيت ندير النفس من دابا، قبل منتشوه ونكون ضحكة قدام الناس. واخا عارفة راسي تعطلت بزآآآآف، ولكن اللهم دابا ولا يزيد يفوت الفوت.
إيوى زيدو نورونا بنصائحكم و تجاربكم.
المشاركة الأصلية كتبت بواسطة قطر الندى ا 
تكون دواقة او دقيقة الملاحضة ماشي غيرتعمر كرشها فين ما امشات تشوف طريقة الصبان او المرقة كيفاش عاقدة او الملحة مازايدة مانقصة او تتقن النضافة تمالنضافة
الدجاج الحوت الكرعين الدوارة
او فين ما مشات الى عجبتها شي حاجةمتحشمش تسول كيفاش دارو ليها
تبارك الله عليك أختيكلامك فمحلو، كنساو راسنا بزاف
الواحد خصو يرد البال لكلشي
وماشي عيب الإنسان يسول على الحاجة
ويلا ماكنتش الرغبة و الإرادة، والزعامة عمرنا نتعلمو
نورتينا بمرورك
ونوصيك طيبي بكميات قليلة حتى تشدي يديك وان شاء الله تمشي الامور وكاين الانترنت فيه كلشي تبارك الله ودخلي على الفيديوات وتفني يا لاله