كيف كان أول نهار لولدك في المدرسة أيتها الانيقة ?

السلام عليكم حبيباتي الامهات فكرت في طرح هذا الموضوع باش نستافدو من بعض و نضحكو شوية حنت هاذ النهارتيكون عامر بطرائف و الاحاسيس و الحب و التعصاب …..

عن نفسي وليدي باقي صغير ولكن تنفكر في هاذ ظ†ظ‡ط§ط± من دابا ….ولكن نعاود ليكم على نهاري أنا باقة عاقلة ماما داتني بالعصا هازة واحد القصبة ديال العود وتعطيني غير لرجلين بحال راها سارحة نعجة ايوة دخلت لقسم البنات يقيدو الادوات وأنا نتنغسس ههههههههه وحاجة اخرى ماشية بلافطور (ماما مسكينة ماقرياش) ومن داك الوقت كنت وأنا غادية لمدرسة بحال لغاديه لجهنم خايفة غير ولدي يجي بحالي ههههههههه …
ايوة عاودو ليا حتى نتوما …

---

;dt ;hk H,g kihv g,g]; td hgl]vsm Hdjih hghkdrm ?

اتمنى ان يلقا موضوعك تفاعل مع صديقات هدا القسم تم نقل موضوعك اختي الى القسم الخاص به تحياتي

انا بنتي الكبيرة نهار الاول في الروض كانت غادية فرحانة غير دخلتها و بغيت نمشي و هي تعطيها الغوات بغيت نرجع قالت لي المعلمة خليها و سيري باش تولف خرجت و بقيت كنطل عليها من الشرجم هي تبكي وانا نبكي هههههههههههه حتى سكتات مشيت للدار بلا عقل معرفت مندير وبقيت كل مرة كنمشي نطل عليه ونرجع نقدي شي حاجة هداك نص النهار داز عندي طويل وغير وصلات 11.30و مشيت نجيبها حضنتها و شجعتها انا وباباها ومن بعد ولات كتحماق على المدرسة و دابا تبارك الله راها في الباك . فكرتيني بحالا غير البارح ..
ايوى شفتي الهار الاول عندي كيداز ههههههههههه

باقي مجربتش باقي إن شاء الله واحد لعام أو عام او نص إلى بقيت حية إن شاء الله لكنعرف انو نهار قاسح على لوليد أو لبنية وعلى لام حتى هي مسكينة الله يسمح لينا من لولدين

ههههههههه تبارك الله عليك موضوع زوين
انا بنتي الوسطى كانت باقي ما كملات 3 سنين و بحكم انني ربة بيت قلت نخليها حتى تكملها المهم فوقاش ما شافت اختها اكبر منها كتمشي للمدرسة و كتشوفها ركبات في transport كتبقى تبكي و كتقولك والو حتى هي بغات تركب فيه و بطريقة كلامها هي حيت كانت باقية صغيرة كتبكي و تقول بغيييت نمشي في السونpور هههه صافي قلنا حنا راه البنت بغات تمشي تقرا ندخلوها للمدرسة ، صيفطناها فالصباح مع اختها ملي رجعو قالتلي بنتي الكبيرة اماما راها بكات في المدرسة ملي سولتها قلتلها علاش بكيتي قالتلي اوا اماما هاديك غير دار ههههه كان كيسحابليها اختها كتمشي كتبقى غير تسارى ب النقل المدرسي صافي و شديتها حتى عقالت عاد دخلتها عوتاني ههههه

غفرانك ربي 3 ajil dahaktini lah iklhalilik wlidatek hhhhhhhhhhhhhhhhhhhh oysahal 3lia fchi doria sali7a 3ajilan ghayra

شكرا احبيبة علي الموضوع انا ولدي دخلتو العام لي فات كان فرحان مني تيسمع المدرسة مني مشيت سجلتو وهدا البس ديال الروض والكتب فرحان بات معنق الحوايج والمحفظة قال لي خليهم حدايا وفاق ناشط غير ديتو ودخل مني بغيت نخرج عطاها البكا قالت لي المعلمة خليه وخرجت بقيت برا تنشوف فيه تيطير تلسما بالبكا ويركل البابانا بقيت تنبكي تنقول لباباه صافي غدي نرجعو قال لي غير صبري دبا بيولف مني تشجعت ورجعت لدار كل شوي نتصل بالمعلمة نلقاه باقي تيبكي داك النهار مدرت غدا مقضيت تحاجة فالدار هو يبكي فالمدرسة وانا فالدار هههه مني جا قال لي علاش خليتيني بقاي معايا بقا علي ديك الحالة تلات ايام ودبا عادي ولف الله يسمح لينا من الوالدين

الله يدومها عليك ضحيكة الحبيبة راه حتى انا فوقاش ما تفكرتها كنموت بالضحك ههههه
الله يسهل عليك الحبيبة حتى انت بالذرية الصالحة لي تونسك

choukran a lbnat 3ala taf3oulkom da7ktouni lah y3tikoun lkhir o ybarak 3likom fi wlidatkom ….