كرواصون بالشوكولا من كوزينتنا

حبيباتي اليوم جبت وصفة من وصفاتي

هههه بيني وبينكم البيسي عندي عامر بالوصفات
ولكن فين الوقت باش نزلهم :p

نبداو بالمقادير

الدقيق (الفورص)

كاس الزيت (العنبة)

1 خمارة الحلوة
1 فاني
2 معالق خميرة العجينة
1 فرماجة
1 بيضة
2 معالق كبار حليب نيدو (بودرة)

كاس سنيدة ( المقدار حسب الرغبة)
+ مقدار من الحليب الدافئ للعجن

————————–

زبدة + زيت + خمارة حلوة ( باش نورقوا العجين)

———–

الطريقة حسب تسلسل الصور

من بعد منخلطو المقادير كلها وتندامج مزيان
العجينة تكون شوية مرخوفة نديروها على شكل كرة ونغطيوها حتى تتخمر مزياااان
و يتضاعف حجمها…

من بعد نبداو نشكلوها كويرات متوسطين فالحجم كيفما واضح فالصورة
و نخليوهم يخمرو شوية بعدما نغطيوهم

نشدوا كل كرة ندلكوها و ندهنوها بخليط (الزبدة مذوبة والزيت + خمارة)
نخليوها على جنب حتى ندلكو كرة ثانية عاد نحطوها فوقها

وهكذا نستمروا بنفس العملية حتى نحصلو على طبقة من العجين المورق
مكون تقريبا من 6 حتى ل 8 كويرات

نقطعوا العجين اللي حصلنا عليه على هاد الشكل

نعملوا لو الشكلاط فالجناب بهاد الطريقة

ونبداو نلويوا العجين ديالنا

نحصلوا على هاد الشكيل نستفوهم فاللاطة
ونخليو بيناتهم مساحة حيت عاد كيتزادو فالفرن

و هاهي دي الكرواصون و جدات

بالصحة والراحة

اللهم أدمها نعمة و بارك لنا فيها و احفظها من الزوال
و اجعل فيها الصحة والعافية

في أمان الله حبيباتي

---

;v,hw,k fhga,;,gh lk ;,.dkjkh

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين
جاوك غزالين تبارك الله عليك وبالصحة والراحة

تبارك الله عليك حبيبية قمرة ليل
الله عطيك الصحة

كواصة شهية سلمت يداك اختي قمرة ليل.

تبارك الله عليك
منظرها زوين و اكيد حتى المداق
الله يعطيك الصحة
تم التثبيت

الله يعطيك الصحة كتشهي

كرواصة غزالة أختي تبارك الله عليك

tbarkallah 3lik okhti

bsa7tk jtk zwina

كتشهي الله يعطيك الصحة