اليوم جبتلكم هده الكرة كنت درتها لولد لوستي منين نربحو في
الكرة وداو الكاس،ومنقولكمش شحال فرح بيها وراه مخلاناش
ناكلوها قالنا ياخدها للفريق ديالو هههه
اوا طولت عليكم نبداو بسم الله:
2 جينواز (بيضاء وبنية)
سيرو لدهن الجينواز
موس الشكلاط:
موجودة في هدا الرابط
موس بالفرمبواز:
80g كولي الفرمبواز
50g سكر
20cl كريم فريش
3 اوراق الجيلاتين
للتزيين:
ناباج
كنحضرو موس الفرمبواز:كنوضعو الجيلاتين في ماء بارد
كنضربو كريم فريش حتى تولي شانتيي ونحتافضو بيها في
الثلاجة
كنخلطو الكولي نتاع الفرمبواز مع السكر
وكنوضعوهم فوق العافية يسخنو شوي ونضيفولهم الجيلاتين
معصرينها مزيان من الماء ونخليوه يبرد
من بعد ما برد نضيفولو الكريم ليضربنا ونخلطو بمهل
كنقطعو 7 نتاع قطع من الجينواز البنية ب 5 اضلع
ونقطعو من الجينواز البيضاء 10 ب 6 اضلع
كناخدو مول مدور كنلبسوه بورق سولفيريزي باش يسهال علينا
منين نزولو المول
كنوضعو القطع بحال الصورة كنسقيوهم
وكنصبو موس الفرمبواز وندخلوا الثلاجة حتى تتماسك
من بعد نخرجوها ونصبو موس الشكلاط
وكنغطيو بدائرة
ونغلفو الكل وندخلوها الثلاجة مدة 5 ساعات على الاقل
من بعد كنقلبوها وندهنوها بالناباج
(انا نسيت مصورت الكل منين دهنتها ووضعتها في العلبة حيت
كنت زربانة،منين درتها في العلبة درت في الجناب ورق اخضر
قطعتو رقيق جا بحال الربيع)
;vm hgr]l iiii
تبارك الله عليك جات غزالة
الله يعطيك الصحة
الله يعطيك الصحة وتبارك الله عليك جاتك غزالة
tbarkallh 3lik okhti
السلام عليكم ورحمة الله وبركاته
جزاك الله خيرامشرفتي
بزااااف زوينة للحلوين الصغار
جزاك الله خيرامشرفتي
بزااااف زوينة للحلوين الصغار
تبارك الله عليك وخلاص مبدعة دائما 5 النجمات من عندي العقبى لما يربح ريان 😉
بسم الله الرحمن الرحيم اللهم صل على محمد وعلى آله وصحبه أجمعين
تبارك الله عليك
تبارك الله عليك
وااااااااااو فنة تبارك الله عليك
غزالة الله يخليلك صحيحتك
المشاركة الأصلية كتبت بواسطة bobossa 
تبارك الله عليك جات غزالة
الله يعطيك الصحة
المشاركة الأصلية كتبت بواسطة omo sofie الله يعطيك الصحة وتبارك الله عليك جاتك غزالة
المشاركة الأصلية كتبت بواسطة عيون بريئة tbarkallh 3lik okhti
الله يبارك فيكم ويسلمكم،ومشكورات على المرور