قضية السمنة بعد الزواج

السلام عليكم ورحمة الله تعالى وبركاته
الموضوع اللي بغيت نطرح عليكم اخواتي واضح من العنوان وهو ان اغلب النساء كيغلاضو من مور ط§ظ„ط²ظˆط§ط¬ بغينا نعرفو علاش وكيفاش نقدرو نحاربو هاد القضية
الله يخليكم اخواتي اللي كتعرف السبب او الطريقة اللي ماتخليش المرا تبقا غي تزاد تعاونا بيها
والله يرحم الوالدين
نتمنى ماتبخلوش علينا بارائكم ونصائحكم خصوصا انني لاحظت ان هاد الامر متعلق غي بحنا النسا العربيات اما الغربيات ما كيوقع فيهم ادنى تغيير
وشكرااااا مسبقا

---

rqdm hgslkm fu] hg.,h[ rqdj

شكرا على الموضوع اختي،انا قبل الزواج كنت 55 كيلو و دابا فيه 70كيلو و عوالة نطيح 10كيلو يلا كتاب، و السبب على ما اظن هو الهرمونات لان جسم المراة ماشي هو جسم البنت و خصوصا مع الحمل و الولادة و الرضاعة، و عاد من بعد الزواج المراة كتقل حركتها و نشاطها عن العازبة برغم اشغال البيت، انا فاش كنت كنقرا كنطلع لافاك و نهبط على راجلي واخا المسافة ساعتين و عمرها جاتني مسافة طويلة بل بالعكس كنمشي ضاحكة و ناشطة مع البنات و دابا يلا فاتت ربع سلعة ديال الطريق خاصني نشد طاكسي، اضف الى دلك العراضات و العزومات و الشهيوات

أنا كنت تزوجت وماغلاضيتش ومللي حملت غلاضيت غاشوية فشهري الثامن والتاسع من بعد الولادة ب3 شهور رجعت للي كنت عليه من قبل الحمد لله كيبالي ياإما الوراثة حيت خواتاتي مزوجات ووالدين كيتزادو فقط فالحمالة ومن بعد كيرجع وزنهم عادي وبالنسبة ليا كنظن حتى كينة منع الحمل لأني ماعمري شربتها شربتها شهرين وماتقبلهاش ليا الجسم ديالي وقطعتها هادشي لي بالي والله أعلم المهم أنني محافظة على الرشاقة ههههه وحتى حد ماكيصحابو راني والدة واخ راني غانموت على شي كيلوات مابغاوش يتزادو الحمد لله على كل حال

انا شخصيا زدت واحد 5 كيلو بالكينة و الجلوس فالمنزل انا صاحبتي العكس ضعافت ايلا شفتيها تكول كاتقرا فالباك و هي عندها 27 عام و عندها بنيتة و لكن الخدمة و الدار خلاوها تضعاف

انا كنت غلية اصﻻ و كنت كاندير ﻻصال قبل الزواج و الريجيم و راجلي ديك ساعة قالي باراكا عليك غير هكا مزيان كنت 75 ولكن مطبزة شوية من بعد زوا زدت و مع حملت من اﻻول شهر في زواج الحمد لله ايوا من ديك ساعة وانا تنغﻻض حتى وليت غوريﻻ ههههه حيت راجلي مسافر دبا فطمت ولدي ورجعت ريجيم و ﻻمارش

كاتبقا على حسب نوع الجسم و الوراثة ..بحالي انا صعيب نغلاض و ساهل نضعاف غير نهز هم شيمشكل او نفوت وجبة جوج فاليوم كانلقا راسي نقصت .. وكاين لي ماكاتاكلش و كاتزيد ..
كانضن لي بغات تبقا محافظة على الوزن ديالها هي تكون كاتعرف شحال كاتاكل فالنهار و رياضة و وجبة العشاء ماتفوتش 7 أو 8 دلليل .. و تشرب الما بزاف

انا قبل الزواج كنت هيا هاديك مغليضة مضعيفة وغير تزوجت بقيت كنضعاف حتى وليت نحشم نقول مزوجة وزادني الحمل كيجيني صعيب والرضاعة خلاص شربت انواع الكينات كلهم ضروني ومنعاتهم عليا الطبيبة الحاصول عمرني غلاضيت دبا عندي 29 عام و3 اولاد ولي كيشوفني كيحساب ليه باقة ممزوجة هههههههه ختي كتقول ليا سعداتك كتباني صغيرة ولكن كيعصبوني الناس بنظرات الغرابة ملي كيعرفوني مزوجة ووالدة .واحد المرة دقات عليا واحد المرا ملي خرجت عندها قالت ليا كلمي ليا ماماك هههههه وانا من فقصتي قلت ليها مكيناش خخخخخخخخخ

شكرااا حبيباتي لنروركن العطر
ههههههه ضحكتيني اختي بشرى ام علي الله يعطيك الخير بالعكس اللهم تباني صغيرة ولا انك تباني كبر من عمرك هاديك اللي غاتعقدك
الصراحة الغلض صعيييييب بواف لا من ناحية الصحة ولا المضهر حيت كيشرف
اللي عندها شي حل البنات تدخل ما تردددددددددددش

وشاركونا حتى بتجاربكم اخواتي باش حتى اللي مازال ما تزوحت تاخد احتياطها من دابا باش تبقى ديما صغيرة وزوينة وشبااااااب

انا بشرى ام سارة ماشي ام علي