السلام عليكم حبيباتي
انا اعرف هذا ماشي هو القسم المناسب, ولكن حيت كيدخلو ليه الاخوات بزاف بغيت نطرح موضوعي فيه, نتمنى من المشرفات يخليوه حتى نشوف الاخوات باش غادي ينصحوني
انا متزوجة و موظفة, و انا و الزوج ديالي معاونين على مصاريف الدار والصراحة مكنخبيو والو مع فرشنا الدار و خدينا الطوموبيل+مصاريف الولادة…
المشكل دابا فين كاين هو بعض افراد العائلة ديالي كيبقاو عليا جمعي لراسك هو شاري دارو ديري نتي علاش ترجعي, علاش تخسري فولسك كاملين ..الى اخره من هاد الكلام, وانا الصراحة مكايعجبنيش هادشي لاننا انا واياه مفاهمين هو عارف اللي عندي و انا كذلك, انا كنقولهوم راني داخلا للزواج و العشرة ماشي الحرب, اش بان ليكم احباباتي فهاد الشي.
td],kd hggi du’d;l hg[km
واش اختي الدار هو لي بناها ولا عاونتيه
الاكنتي نتي وراجلك مفاهمين مكاين لاش دخلي الناس وكلامهم
حيت اختي الدار والطومبيل وعندك الا ساليتو المصاريف مافيها باس تجمعي شويه شريه دهب او دفعيه فشي ارض رخيصه تجمع ليك لفلوس من بعد اما هضرة دناس غتجيب ليك غير المشاكل لي ديالو ديالك ولي ديالك ديالو الله يهدي مخلاق مدخليش داكشي لعقلك سينو غتولي فدوامة وديما تخممي وتوسوسي
اختي أنت أدرى بضروفك وانت لي تعرفي إلى زوجك مرتاح ماديا وعاونتيه بمايكفي ماشيمشكيل إلى درتي شي حاجة خاصة بك وحتى اا كانتخدمتك مزيانة ومرسمة فيها راك مؤمنة ماديا وخى الأمان عد الله سبحانه طرفي شوية من مانضتك بلا ما تخلي راجلك يحس بلي ماتيقاش فيه والمهم حافضي على دارك وزوجك أما الفلوس راه الرزق من عد الله لي مكتاب لك دركيه غير بلاتبدير وأنا ما خدامة ما والو ملي تزوجت وأنا دافعة ومعاونة راجلي بالنية والله ما تيخيبش والله يصاوب لك
المشاركة الأصلية كتبت بواسطة مدام وهيبة 
واش اختي الدار هو لي بناها ولا عاونتيه
الاكنتي نتي وراجلك مفاهمين مكاين لاش دخلي الناس وكلامهم
حيت اختي الدار والطومبيل وعندك الا ساليتو المصاريف مافيها باس تجمعي شويه شريه دهب او دفعيه فشي ارض رخيصه تجمع ليك لفلوس من بعد اما هضرة دناس غتجيب ليك غير المشاكل لي ديالو ديالك ولي ديالك ديالو الله يهدي مخلاق مدخليش داكشي لعقلك سينو غتولي فدوامة وديما تخممي وتوسوسي
شكرا اختي على جوابك, و هذا هو اللي خايفة منو مافيا مايدخل فدوامة ديال الصداع و المشاكيل
اما الدار فهو خداها قبل مانتعرف عليه
المشاركة الأصلية كتبت بواسطة fatima hanoun اختي أنت أدرى بضروفك وانت لي تعرفي إلى زوجك مرتاح ماديا وعاونتيه بمايكفي ماشيمشكيل إلى درتي شي حاجة خاصة بك وحتى اا كانتخدمتك مزيانة ومرسمة فيها راك مؤمنة ماديا وخى الأمان عد الله سبحانه طرفي شوية من مانضتك بلا ما تخلي راجلك يحس بلي ماتيقاش فيه والمهم حافضي على دارك وزوجك أما الفلوس راه الرزق من عد الله لي مكتاب لك دركيه غير بلاتبدير وأنا ما خدامة ما والو ملي تزوجت وأنا دافعة ومعاونة راجلي بالنية والله ما تيخيبش والله يصاوب لك
شكرا ليك اختي, داكشي اللي كاين الرزق على الله و بالنسبة ليا العشرة الحسنة و المعروف و المعاملة الجيدة هي اهم بكثيييييييييييييير من الامور المادية الزائلة غير الله يهدي ماخلق و صافي و يبعد علينا وساوس الشيطان و الانس
المشاركة الأصلية كتبت بواسطة btissam_009 اميييين اختي, الله يبارك ليك, جوابم في محلو, الله يعطيك ماتمنيتي