عاونوني اله يرحم الوالدين

عقلتو ف 22 ابريل عملت قيصرية من بعد حمل دام 28اسبوع يعني دخلت في السابع من المفروض نبقى عام و نصف على الاقل باش تبرا الفتحة مزيان دابا انا حاملة من المفروض كان خص يجيو لي غيكل في 27 نونبر انا خايفة لا طرطق الفتحة و خايفة لايطرالي بحال المرة الفايتة و ماباغاش يعاودو يديرولي سيزاريان ،عاد انا خداما و في ليل تنقرا مايمكنشلي نتراجع حيتاش حطيت فهاذ القرايا 47000درهم واش نحيد هادشي قبل مايكبر اولى اشنو ندير جيت نضحك مع راجلي صدقت هجرتو واش احتمال نولد عادي واش تقد طرطق الوالدة انا دايخة دابا ط¹ط§ظˆظ†ظˆظ†ظٹ باش تنصحوني للاشارة موت الجنين الاول كان دون سبب

---

uh,k,kd hgi dvpl hg,hg]dk

الله يدير ليك الي فيها الخير اختي معندي باش نفيدك

انا قريت قلت ربما ولدها باقي صغير ولكن لا اختي علاش تحيديه راه نعمة من عند الله كاع متفكري فهاد الشي اما بالنسبة للفتحة فغالبا غادي يولدوك قيصري و احتمال الفتحة تفتح 0.01 ف 100 احتمال ضعيف بزاف هدا تخوف عند كل السيدات للي والدين قيصري ولكن متخافيش انا كنعرف معرفة شخصية لسيدة فيها السكر ولكدت قيصري و حملت ف 40 يوم ايوا ولدوها قيصري و زادت الثالث و عاد فيها السكر و راها بيخير غير لوكان تسنيتي اكثر من عام غادي تقدري تولدي طبيعي
بنت خال راجلي ولدت قيصري و مات و حملت بعد 3 اشهر ولدت عادي و فالدار عاد غير بالقابلة و بنتها كتحمق بالزين تبارك الله

العداب كيدوز و الحريق يدوز و تمارة كدوز ولكن غادي تبقا عندك احسن نعمة و هدية من عند الله للي هما وليداتك
ولكن واسع النضر اختي

الله يدير ليك الي فيها الخير

اختي كل شي بيد الله ربي اللي عطاه لك هو اللي غادي يتولاك انت واياه اياك تم اياك تفكري تحيديه القراية كمليها عادي غير بالصبر وشوفي اللي يشد لك ولدك ويعاونك عليه والراحة لراسك حاولي قدر الامكان ترتاحي وان شاء الله غير دخلي شهرك فتفتحي وماتخافي والوووووو الايام والشهور تيطيرو سد عينك وحليها تلقاي بنتك ولا ولدك حداك
ومبروك

سيري سولي الطبيب و شوفي الا ما كان ضرر عليك خليه
إياك تحيديه و تندمي تولي تقلبي عليهم

شكرا اختي انا غير ما كنتش عوالة على هاذ الشي انا مابغاش القيصرية مرة اخرى واللهم ووجع يفوت ولى تبغي غير تعطسي وتهزي الهم

اختي نشاء الله مايتراليك والو حتى انا ولدت بالفتيح او ماكتابش ماتلي بيبي او هزيت تنولد من الربعين او كان قال ليا الطبيب 6شهور عاد نحمل او فاش لقيت راسي حاملة قاليا نتبعوك او صافي تا انا كنت ولدت ف 11ابريل او حملت فيونيو او دبا عندي 26سيمانا او الحمدلله كولشي داز مزيان غايولدوني سيمانا لولا دشهر 9 يالفتيح او راني فرحانة ربي عوضلي او عوضلك تانتي اختي منصحكش تحيديه هاداك كادو دربي حرام عليك ترميه فوجهو

هاد الدنيا عجيبةاختي كاين لكيقلب عليه بالريق الناشف او مستعد يعطي نص عمرو غير اعيش دوك اللحظات تاع الامومة . واش مابقا فيكش هاداك لي مشى ليك بغيتي تزيدي تحيدي حتى هادا .سبحان الله ايكون لي يكون ماتحيديهش.