عاونوني الله يرحم الوالدين

السلام عليكم ولدي عند 3سنوات و3أشهر حيدتليه لكوش شهر 6 أوتعلم يقولي ماما ديني طواليت أودابا يومين ماكيولي والو حتى كنلقاه دارها فحوايجو مع العلم مكيديرش كوش فليل أماكيبولش ط¹ط§ظˆظ†ظˆظ†ظٹ نفسيتي تحطمات شبعت غير بكا

---

uh,k,kd hggi dvpl hg,hg]dk

35 mochahada owalo

انا ولدي يالله كمل ثلات سنوات فهاد الشهر شهر 12 حيدتلو الكوشة حتى انا فالصيف وكان مزيان كيدير بيبي فالطواليط لكن بالليل كنديرلو كوشة لكن مؤخرا ولا يديرها فسروالو شي مرات كيكون يلعب وينسا لكن من بعد ولا ماكيحسش بيها حتى كتنزلو عيت مانضرب عييت نغوت فالاخير اكتشفت انه ضاربو البرد والحمد لله دابا مزيان كيديرها فالطواليط مرة مرة لنزلاتلو لكن قليل انما باقا كنديرلو ليكوش بالليل لي نوصيك بيه صبر معاه راه واحد السيدة كانت عاوداتلي على ولدها حتى ولا ت عندو 15 عاد مابقاش يفزك ليها بالليل المهم صبري معاه انا هادشي لي دايرة وراه ضروري مرة مرة تنزلو يا اما غاينسى باللعب يا اما البرد وحضيه من لبرد الله يسهل الامور اختي

اختي مديري والو فبالك امتبكيش راه غير من البرد وقيلا حنا لي كبار قربنا نوليو نطلقها عسك هو لي باقي صغير ههههههوالله اعاونك معاههدشي ليقدرت نقول ليك

ولكن راه حتى كآكا هي للي معصباني

قتلتيني بالضحك الله يعطيك ماتاكلي والله البرد و العكز ايخليونا حنا نيت نديرو ليكوش
ماتكبريش الموضوع اختي ماشي لدرجة البكا كتجي هاد المرحله عاديه حتا بنتي دازت منها حتى قلت تهنيت و داز عام و رجعنا تاني من الصفر

اختي بلا ما تعصبي عليه حاولي تفهميه غير بشوية وراه اخت 3 سنوات تعطلتي علي بليكوش كان خصك قبل تحيديهم المهم حاولي معاه غير بشوية مثلا قولي له ماما انت ماعملتيها بخاطرك انت ماكنت تقصد يالله ياماما المرة الجاية اعملها بالحمام ونعطيك مكافئة وعموما اختي دابة البرد اغلب العيال كتوقع لهم مشاكل من هاد الناحية انا الحمدلله ولدي الكبير علمته الحمام على عامين وشهر وما لقيت معه صعوبة وكنا فالصيف ودابة بنتي عامين و5شهور علمتها للحمام من شوال وها اليومين سعات ما كتلحقش على راسها وخصوصا لبس البرد بزاف كلوت وهيلاهوب وبيجامة ماتجي تنزلهم حتى يكون سالات ولكن ماشي بزاف يعني اليوم مرة واحدة والباح ولا مرة وهكدا ونصيحة اختي ماتعصبيش عليه وماترديش له ليكوش حيت غيصعب عليك تحيديهم ونصيحة اخرى حاولي حتى فالليل متلبسيهش دخلين للحمام قبل ماينعسوماتخليهش يشرب سوائل فالليل