طويجين من شغل أدي ومن ختراعي وبالصور

هد الطوجين كما بين في العنوان هو من ابتكري الخاص
والحمد لله اللي داقو عندي كيحماق عليه
وانا قررت نخرج اختراعي للوجود من خلال المنتدى
هههههههههههههههههه
ونتمنا يحجبكم
وهو اللحم بلبطاطه لحلوة ومشماش وزبيب يبسين
وهو كتغير في أنواع الطوجن المغربية
بلا كترت لكلام
نبدو
ماشي مشكل المقادير انا راه انشاء الله نعطيكم طريقة تحضير وكل سيدت تعمل المقادير اللي تعرفها غدي تكفيها
اولا
كنخدو اللحم بكري ولا غنمي ونضعه في كوكوت ونزيدو عليه بصلة مشنفة+3فصوص توم محكوكة+إبزار +خرقوم بلدي ورومي+سكنجبير+زيت+ملح

ونحرك كي تمتزج العناصر مع بعضها ونضيف نصف كأس من الماء بش متحرقش التوابل عند ما نقلو اللحم
وبعد دلك نزيدو الماء ويجب ان يكون القدر الكافي بش يطيب اللحم ولبطاطة من بعد
ومالي يطيب اللحم
كنكونو من قبل مرطبين مشماش يبس وزبيب في الماء لمدة ساعة تقريبا
ومقشرين لبطاطس ومقطعنها على شكل دوائر

ناخد طجين ونفرشو فيه طبقة ديال البطاطس هي الاولة هكدا

ومن فقها نضع اللحم كطبقة تانية

ونغطيو اللحم بالبطاطه اللي بقات عندنا هكدا كطبقة تلاتة

ومن بعد نضع المشماش يبس في كل دائرة ديال بطاطه وفقو نضع حبات من زبيبوهكدا حتى نكملو

ونبدو نسقو المكونات بلصوص اللي طاب فيها اللحم كما في الصورة

ونقفل طجين ومنزيدوش ماء لان لصوص بحدو كافي بش طيب البطاطه وهي كطيبه بسرعة مكا تعرفنا ولازم يطيب الطجين على نار هادئة
ومالي كنحسو بالطاطه طابت
كنخدو 2معالق كبار ديال الربيع مخلط ونزيدو عليه معلقة كبيرة ديال سنيدة و شوية القرفة

ولازم علينا نديرو هدا الخليط ونخلو طجين فوق النار لمدة قصيرة وحنا قفلين طجين

وهدا هو الشكل النهائي

من قلبي نتمنا يعجبكم هدا الطبق
وعيدكم مبارك سعيد
وكل عام وانتن بالف خير

‘,d[dk lk ayg H]d ,lk ojvhud>>>>,fhgw,v l]p ojvhud,fhgw,v