الاخوات السلام عليكم
بغيت نسولكم واحد السؤال
حنا كاملين مغاربة وولادنا فاش تايتزادو تانتحاورو معاهم باللغة العربية الدريجة فاش تايجيو ادخلو اقراو في المدارس الخاصة تانقولو راه تمى امكن اتعلمو الغة ط§ظ„ظپط±ظ†ط³ظٹط© بسهولة هدا الفكرة لعند عامة الناس لكن للاسف فكرة خاطئة لانني لاحظت انه الاطفال واخا تايقراو في مدارس خاصة اللغة ط§ظ„ظپط±ظ†ط³ظٹط© ماتايقدروش اهضرو بيها بطريقة مسرحة بحال العربية فاش تادجي تسول ادارة المؤسسة الخاصة تاتقول لك الى بغيتي ولدك اهضر باللغة الفرنسي ولسانو اكون خفيف فيها خاصك تحاوريه فيي البيت يوميا او تلغي اللغة العربية
حنى المغاربة صعيب علينا هدا الحال لان الواحد لماترباش على شيحاجة مايمكنش اطبقها على ولادو بسهولة
شكون لعندها شي فكرة على المركز التقافي الفرنسي واش عندو نتيجة في اطفالنا للتمكن من اللغة ط§ظ„ظپط±ظ†ط³ظٹط© بسهولة ام غير زيادة مصاريف على الفاضي
الله اجازيكم بخير بغيت نعرف ارائكم وتجاربكم
وشكرا
‘tgd ,hggym hgtvksdm
الفكرة لعندي على المعهد الفرنسي هي أنه تيزرعو فهم الافكار الغربية أكيهدمو فهم الثقافة الاسلامية
المشاركة الأصلية كتبت بواسطة ROSSITA 
الفكرة لعندي على المعهد الفرنسي هي أنه تيزرعو فهم الافكار الغربية أكيهدمو فهم الثقافة الاسلامية
اختي كيف شرحي لي اكتر الى كانت عندك تجربة فيدينا بها
الله اجازيك خيرا
القصص القصيرة والروايات حل ممتاز لتعلم الفرنسية بطلاقة، أنا كنت فأرة مكتبات وكنت كنقرا بالفرنسية بزاف بزاف، ملي يا الله بديت ما كنتش كنفهم كلشي أكيد، ولكن كنقلب وكنسول وكنكتاسب رصيد لغوي وكنكتاسب أسلوب، والحمد لله، النتائج كانت مرضية رغم أنه فدارنا ما كانتش الفرنسية لغة مستعملة إلا بيناتنا حنا الصغار لي كنقراو
المركز الفرنسي خليه فآخر المطاف، مصاريفو أحسن تدفعيها فنشاطات رياضية لأولادك، حاولي نتي من نفسك فالبيت والقراءة والقراءة والقراءة والتشجيييييييع أهم ما تبداي بيه
هذا رأيي المتواضع والله أعلم
لان غيبقى اهدر بالفرنسية حتى فدار أكاينة جارتي كتهدر مع ولدها بالفرنسية حتى هي عندها نفس لفكرة ديالك أم الشهداء
ولكن ولو كيهدرو بالفرنسية حتى مع دراري فزنقة ولجا عندي كيقول وش جاو من الخارج خصنا نعتزو بلغتنا
وش كيعرفو بعد اللغة العربية 100/100
هذي هي لولى عندنا اللغة العربية
أمفهمتش علش بغيتي اهدرو بالفرنسية؟
المشاركة الأصلية كتبت بواسطة أم الشهداء القصص القصيرة والروايات حل ممتاز لتعلم الفرنسية بطلاقة، أنا كنت فأرة مكتبات وكنت كنقرا بالفرنسية بزاف بزاف، ملي يا الله بديت ما كنتش كنفهم كلشي أكيد، ولكن كنقلب وكنسول وكنكتاسب رصيد لغوي وكنكتاسب أسلوب، والحمد لله، النتائج كانت مرضية رغم أنه فدارنا ما كانتش الفرنسية لغة مستعملة إلا بيناتنا حنا الصغار لي كنقراو
المركز الفرنسي خليه فآخر المطاف، مصاريفو أحسن تدفعيها فنشاطات رياضية لأولادك، حاولي نتي من نفسك فالبيت والقراءة والقراءة والقراءة والتشجيييييييع أهم ما تبداي بيه
هذا رأيي المتواضع والله أعلم
شكرا لك ام السهداء فعلا استافدت منك كتير بزاف على التجارب ديالك
بالنسبة للكلام معاه في البيت حاولت مرارا وتكرارا دون فائدة لانني سرعان ما انسى
المشكل لعندي هو ابني عزيز عليه الرسوم باللغة العربية اكتر من الفرنسية بالنسبة للقصص الدار عمرات ولكن دون فائدة فاش تانتعصب ونغوت عليه باش اقرا القصة تايقراها بزز منو ماشي بخاطرو وهاد الطريقة جابت شوية النتيجة ولكن واض في رايك نستمر على هدا النحو باش اولف من بعد او لا نقول نخليه اونرجع للوراء
رايك بصراحة تايهمني بزاف
المشاركة الأصلية كتبت بواسطة ROSSITA لان غيبقى اهدر بالفرنسية حتى فدار أكاينة جارتي كتهدر مع ولدها بالفرنسية حتى هي عندها نفس لفكرة ديالك أم الشهداء
ولكن ولو كيهدرو بالفرنسية حتى مع دراري فزنقة ولجا عندي كيقول وش جاو من الخارج خصنا نعتزو بلغتنا
وش كيعرفو بعد اللغة العربية 100/100
هذي هي لولى عندنا اللغة العربية
أمفهمتش علش بغيتي اهدرو بالفرنسية؟
اختي فهميني اللغة الفرنسية راها ضرورية بالنسبة لاي شخص اتعلمها هي واللغة الانجليزية لانك تاتواصلي بها مع الناس الاخرين على سبيل المتال تبليغ الدعوة واشياء اخرى جميلة كايكتاسبها الانسان لتقافته
فعلا حنا مغاربة واكيد وليداتنا تايهضرو بالعربية لانها هي اللغة الام ولكن مادام تاتقري ولدك في المدرسة باش اتقف الا وخاصك تساعديه على دلك
المشاركة الأصلية كتبت بواسطة HARAKA بالنسبة للكلام معاه في البيت حاولت مرارا وتكرارا دون فائدة لانني سرعان ما انسى
المشكل لعندي هو ابني عزيز عليه الرسوم باللغة العربية اكتر من الفرنسية بالنسبة للقصص الدار عمرات ولكن دون فائدة فاش تانتعصب ونغوت عليه باش اقرا القصة تايقراها بزز منو ماشي بخاطرو وهاد الطريقة جابت شوية النتيجة ولكن واض في رايك نستمر على هدا النحو باش اولف من بعد او لا نقول نخليه اونرجع للوراء
رايك بصراحة تايهمني بزاف
العفو أختي حركة، وسعيدة أنني قدرت نفيدك بشي حاجة
أكيد القراءة إيلا كانت منو لنفسو راها تكون أحسن، كنظن أن مسألة التعويد ديالو عليها غتكون على حسب السن ديالو: إيلا كان ولدك نسبيا صغير (نقولو فحدود واحد العشر سنوات) فأحسن حاجة أنك تخصصي ليه واحد النصف ساعة قبل ما ينعس تقراي ليه نتي القصة وهو يشوف معاك الكلمات ويسمع النطق ديالهوم، حتى يتوالف على هاد المسألة واحد المدة ما تكونش طويلة بزاف، وتولي تخليه يقرا هو ونتي جالسة معاه وكتصححي ليه الأخطاء وتشرحي ليه الكلمات لي ما فهمش، والشرح ما يكونش بالعربية أبدا، شرحي الكلمة بأمثلة وجمل فرنسية أبسط، مع المدة، غتولي تعطيه كتابو وتقولي ليه قرا شي صفحات قبل مانجي نبوسك ونطفي الضو مثلا، يعني كلفيه يقرا وسيري قضي شغلك… وهكذا
أما إيلا كبيبر شي شوية، فممكن تبداي معاه فالقراءة شوية، ولكن من بعد مدة قصيرة واعديه بالجزاء: إيلا قريتي يوميا من هاد القصة صفحات، فنهاية الأسبوع إن شاء الله نديك تلعب فالمكان الفلان الفلاني ولا … أي حاجة عرفتيها غتعجبو
المهم ولي بغيت نوصل ليك، هو أنه خاصاه غير العادة، والقراءة راها "بلية" هههههه غير يتوالفها يولي يقرا لي طاحت فيدو
أكيد ما تعجزيهش بروايات أكبر من سنو، عطيه كتب فسنو لي يقدر يفهمها ويحس بالفخر أنه حتى هو كيقرا كتب بالفرنسية
المشاركة الأصلية كتبت بواسطة ROSSITA لان غيبقى اهدر بالفرنسية حتى فدار أكاينة جارتي كتهدر مع ولدها بالفرنسية حتى هي عندها نفس لفكرة ديالك أم الشهداء
ولكن ولو كيهدرو بالفرنسية حتى مع دراري فزنقة ولجا عندي كيقول وش جاو من الخارج خصنا نعتزو بلغتنا
وش كيعرفو بعد اللغة العربية 100/100
هذي هي لولى عندنا اللغة العربية
أمفهمتش علش بغيتي اهدرو بالفرنسية؟
نعم أختي كلامك صحيح، حنا الحمد لله مغاربة وعرب ومسلمين، ولغتنا الام هي العربية
ولكن يا أختي حنا ماشي هدفنا نربيو وليدات منغلقين على ثقافتنا العربية فحسب، التحدي الكبير هو نكونو إنسان عربي كيتقن لغتو الأم وعندو رصيد لغوي يسمح ليه بالانفتاح على الثقافات الأخرى والاستفادة منها… ونكونو واقعيين، راه جميع الوظائف والمهن لي أي أم كتمنى وليداتها يتقلدوها راها كتلزم عليهم يكونو كيتكلمو ماشي غير الفرنسية، وإنما كيف قالت أختي الحركة الإنجليزية كذلك
العربية بالنسبة لطفل عايش فالمغرب، راه مستحيل ما يتعلمهاش، أما اللغات الأجنبية فراها خاصها مجهود كبيييير من طرف الوالدين باش أولادهوم يتقنوها إلى حد ما، خصوصا فظروف التعليم لي فبلادنا
مشكورة أختي