اليوم بغيت نشارككم واحد الطريقة لي معتامداها دائما لوجهي وكيبان طبيعي لان ف الحقيقة فقط كنصحح العيوب لي عندي
اول حاجة قبل مانبداو لازم ندكر بالتنظيف العميق للوجه مرة في الاسبوع ولي مكون من ازالة النقط السوداء ومن بعد تقشير ومن بعد ماسك مغدي والمنتدى ماشاء الله عامر وصفات خاص غير الهمة لان الوجه النقي كيبان منور وحيوي
في الصباح بعد غسل الوجه
ندهن الوجه بكريم مرطب لي يليق لنوع بشرتك شخصيا بشرتي جافة كنستعمل كريم مرطب من لوليال وفيه نسبة من الحماية لان حتى وحنا في البيت خاصنا حماية وراكم عارفين الكوزينة والبخار والفرن مع المدة كيديرو ليطاش في الوجه لدا نديرو احطياط
ثاني حاجة الى خارجة كديري اكرون للحماية من الشمس او الى جالسة ف الدار ديري فوندوتان وحتى هو حسب نوع البشرة ودرجة اللون يعني يكون قريب ماشي فاتح , كندير مايبيلي سائل جاني زوين وناعم
ثالث حاجة الكونسيلر وحتى هو نفس درجة لون البشرة ونوزعوه تحت العين غير بالطبطبة بشوية كانك كتفيكسيه ماشي تمسحيه
وكدلك الاماكن الغامقة او ليطاش حتى يتوحد لون البشرة
واخيرا لمسة على الرموش ب ماسكارا شفافة لان الغرض نرفعهم فقط ماشي نصبغهم وشوية الحمرة على الخدود غير شيتة وحدة ولون طبيعي وكلوس وهانتي منورة فدارك وهادشي مكياخد وقت بالتجربة غير فقط عادة مع الوقت تحشمي يبانو الهالات السوداء اولا فمك باهت وناشف
صراحة هاد الطريقة كنديرها حتى الى خاجة من غير الكلوس كنديرو ومني نوصل الباب كنمسحو وكيبقى الفم رطيطب ولي شافك ما كيعرف الحيلة ديالك وفنفس الوقت ما كتلفتي الانظار
نتمنى موضوعي يعجبك وعدروني على الصور مالقيت بنت صغيرة نجرب فيها ونوريكم
‘vdrjd hgohwm td ,qu hgl;dh[ kqu ,qi
