اولا غادي تنضمي 34 غرزة فقضبان رقم 2.5 
ثم خدمي 6 السطورة بليكوط 1/1 يعني غرزة مسرحة واخرى مقلوبة ثم نزيدو غرزة فاخر سطر بحيث غادي تصبح عندنا 35غرزة 
ثم كملي بقضبان رقم3 اوخدمي اي زواقة بغيتي اما الى بغيتي الزواقة لي درت راه الشرح ديالها فالاسفل 
ملي تخدمي 6سنتم فالزواقة قسمي الغراز على3 غادي يصبح عندنا 12 فكل جنب عمليهوم ففيليل دالحوايج او بقاي تخدمي ف11 الغرزة دالوسط 
ملي تخدمي 3 سنتم ف11 لغرزة دالوسط خدمي 4سنتم بpoignt mousseاي المسرح على الوجه والظهر وفالسطر الاخير طيحي 2 غرزات غادي يصبح عندنا 9 دالغراز 
من بعد نرجعو 12 لغرزة لي كتسنا لقضيب ثم نهزو 11 لغرزة على طول الحاشية لي تخدمات وحنا كنخدمو 11 لغرزة ديال الوسط 
ثم نهزو 11لغرزة من الجهة الاخرى ثم 12 لغرزة لي كتسنا 
غادي نخدمو هاد 55 غرزة لي عندنا بالمسرح على الوجه والظهر (بوان موس) 8 الاسطر ثم غدي نعاودو نقسمو الغراز على 3 او نخليهوم فالقضيب الوسط 11 لغرزة و22 فكل جانب غادي نبقاو نخدمو غير 11 دالوسط او ملي نوصلو لاخر غرزة فهاد11 نجمعوها مع اول غرزة من 22دالجنب يعني 11 دالوسط دائما كيتخدمو او متتغيروش اما 22 دالجناب كل سطر كنحدفو منهوم الغرزة الاولى فالجانبين ب2حتى كيبقى لينا فكل جانب 5 دلغرزات ديال الكدم (الكعب) 
ثم نطيحو لغراز لي بقاو (5 دالجنب الاول و11غرزة دالوسط و5غرزات دالجنب الثاني) اوهادا هو شكلها 
كتخيطي 
والى بغيتي تزيدي تفركسيها نضمي 32 غرزة او خدمي 3 الاسطر بالمسرح على الوجه والظهر ثم سدي الغراز او عملي فالطرف عوينة دالصدف بالكروشي 
او لصقيها من الخياطة فالخلف او عملي صديفة فالجنب 
الى عندك شي غموض فشي حاجة انا رهن الاشارة اختي chedel
‘vdrm pdh;m jrhav p]djd hg,gh]m fhgr’fhk p]ded
الى بغيتي تعملي الزواقة لي درت انا هي كالتالي على وجه الخدمة 2 دالغرزات مقلوبين غرزة مسرحة ثم (5 دالغرزات مقلوبين غرزة مسرحة )تعودي مابين الاقواس او فالاخير 2 غرزات مقلوبين كتعودي هاد السطر 5 دالمرات يعني كتخدمي 6 دالسطورة بحال هكدا ثم فالسطر السابع 5 الغرزات مقلوبين غرزة مسرحة 5 الغرزات مقلوبين وحدة مسرحة حتى نهاية السطر كتخدمي 6 سطورة بحال هكدا ثم السطر 13 بحال الاول اما على ظهر الخدمة كتخدمي الغراز كيفما كتلقايهوم السرحة مسرحة والمقلوبة مقلوبة كنتمنى نكون شرحت مزيان او وصلت المعلومة
الله يجازيك بالخير عزيزتي ام وصال والله يجعلو ليك فالميزان المقبول ان شاء الله يثبت لأهميته
بارك الله فيك الحبيبة لؤلؤة لهلا يخطيك الزين والف شكر على التثبيت
الله يجازيك بالخير عزيزتي ام وصال والله يجعلو ليك فالميزان المقبول تستاهلى احلى تقيييييم
نفس طريقتي الله نيت خدمت لولدي 2 تقاشر نصورهم ونوريهم ليك
بارك الله جهدك وشكر لك صنيعك وجعله في ميزان حسناتك
المشاركة الأصلية كتبت بواسطة الرميساء78 
الله يجازيك بالخير عزيزتي ام وصال والله يجعلو ليك فالميزان المقبول تستاهلى احلى تقيييييم وانت من اهل الجزاء اختي انت الاحلى الحبيبة
المشاركة الأصلية كتبت بواسطة مدام رشيد نفس طريقتي الله نيت خدمت لولدي 2 تقاشر نصورهم ونوريهم ليك هانا فالانتضار الحبيبة
المشاركة الأصلية كتبت بواسطة أم يمنى ومريم بارك الله جهدك وشكر لك صنيعك وجعله في ميزان حسناتك شرفني اختي مرورك وتقبل منا ومنك