طريقة تحضير الفطر المعلب

هاد الطريقة تتجي زوينة وبنينة وكنعرفو اش كناكلو ماشي بحال ديال الزنقة

اول حاجة كناخدو الشومبنيون ونغسلوه مزيان ونصفيوه

ونحيدو ليه الجدر
[URL=https://www.anaqamaghribia.com/pic/][/URL
ونقطعوه شرائح رقاق

ونحضرو هاد المقادير

معدنوس مقطع وثومة بزايد محكوكة وكاس زيت بلدية والابزار والملحة

ومن بعد نديرو الشومبنيون فالكوكوط مع المقادير كلها ونسدو عليها شي ساعة تقريبا فعافية متوسطة وراه بوحدو تيطلق الماء تاعو ومرة مرة نحركو حتى نحسو بيه نشف الى حلينا ولقينا باقي فيه الماء نعاودو نسدو عليه حتى يوكح خاصو يجي واقف فيه غير الزيت

سمحو ليا نسيت ماصورتوش فطبق التقديم وممكن تقسموه لحصص وتديروه فميكات ودخلوه المجمد وتستعملوه عند الحاجة فجميع الوصفات اللي حبيتو

في امان الله

‘vdrm jpqdv hgt’v hglugf