طرائفنا فالمطبخ نرفه علا هاد القسم شوية اكيد كل وحدة دارت شي زبلة فالطياب ههههههههه

هاد الفكرة كانت تاع الاخت فاطمة 04 فواحد الدورة الطبخ دالجزء الاول ولاكن مابقا حد طبقها وقلت لاش مانبدا

اكيد كل وحدا فينا ماتزادت معلمة يعني ط§ظƒظٹط¯ انكونو طحنا في مواقف محرجة فالطبخ الا تتجربي شي وصفة اول مرة او اي حاجة نتمنى التفاعل مع هاد الموضوع عارفة كل ظˆط­ط¯ط© فايت مزبلاها ههههه
انبدا ههههههه

ديما كنت تنتهرب من الدجاج المحمر تا تحطيت فعيد المولد النبوي لي فات فواحد الموقف عمري ماننساه سافرنا عند حماتي ونهار العيد جا حميا وحط 6 الدجاجات وقالي ابنتي راه ايجي عمك ومرتو وشي ناس اللغدا بيتك تحمري لي هد الدجاج لغدا يعني نوجدهم فمدة 3 الساعات انا كنت بحال ظˆط­ط¯ط© دربها الضو معرفة فين نبدا حيت الدجاج اولا خاصو ابات فالثلاجة باش اكون بنين اوا محيلتي نبكي ماحلتي نغوت قلت لحماتي را الاطابوغير فالمرقة والفريت حسن بيت نهرب هههههههه قالتلي عارفة حماك الا قال حاجة خاص تتطبق اوا توكلت على الله وراجلي قالي ناري قفرتيها حيت عارف ليكاين ههه
والمشكيل جاب شي دجاج تقولي بيبي انا غير د 2 كيلو تنوحل فماادراك د 4 كيلو و6 ددجاجات غير ظˆط­ط¯ط© وتنوحل مهم غسلتو بالحامض والملح ونسيت قطعت ديك بلاصة فاش تادخلو الرجلين ددجاج ها الموصيبة الاولي ربطوهوم بالخيط ولاكن تحلو ودرت ليهم شرمولة وكترت الحامض وخليتهم تيطبو تيطبو اووالو لحم قاصح تقولي تنطيب جمل تا قشرة دجاج كولها تشتات والخيط لي ربط بيه دجاج تحل والدجاجة فرقات رجيلاتها تقولي تادير الجمباز هههه اوا المرقة حامضة بزاف حيت الزيتون ليدرت صيباتو حماتي وفيه الملحة بزاف نسيت مطيبتو قبل مانديرو فالكاميلة صافي وقت اللغدا قرب والناس جاو انا غير ساكتة ومصدومة حيت عارفة تحد ماغادي ياكلهم مهم النتيجة الدجاج الشكل ديالو تقولي كان فالحرب قشرة طارت واللحم شطاب شي لا والجناح مهرسين واللون صفر حيت ملي حطيتو فالفران مبغاش اسربي اتحمر وحمايا قالي حطي الغدا ومتحمرش والمرقة وماادراك ما المرقة والله مادوزيها واخا تكوني شهر مادقتي الطعم انا حطيت ليهم الدجاج وللاسف رجع كيما مشا غير سلم عليهم ورجع ههههههه تحد ماقاصو جاب الله كنا ديرين طواجن د اللحم طيباتهم حماتي وتغداو بهوم وبقافيا الحال بزاففففففف ومن داك النهار ونا حالفة على الدجاج ولاكن بفضل حبيبة ريم وليت طايرة فيه ههههههه

---

‘vhztkh thgl’fo kvti ugh ih] hgrsl a,dm h;d] ;g ,p]m ]hvj ad .fgm thg’dhf iiiiiiiii .,[m ,[]m

ههههههه موضوع زوين ضحكتيني حبيبة هههههههههه

حتى نتفكر شي حاجة و نجي إنشاء الله هههههه تبارك الله عليك

wahrirtak hrira hada nhar ana kana39al mara mli kont ba9a sghira khlatni mama nsawab lahrira iwa ach rada ngoulik dart hrira mafiha la krafes mafiha hamas mafiha 3das wyalh sadit 3liha bach tib w mama jat w hiya kayban liha lhamas mahtout f balstou matharekch iwa 3ad hiya 3at9at lmaw9if w manhadak nhar w mama kat3ayarni biha finma nabghi ndir chi haja katgoul liya iwa diri madarti f lahrira hadik sa3a kant 3andi 15 3am w daba 3andi 30 w ba9a mama katfakarni fiha

ههههههههههه قتلتيني بالضحك و بقيتي فيا فنفس الوقت
لهلا يوريك زبايلي انا
ليا عودة ان شاء الله

ههههههههههههههههههه ضحكتيني اضحك الله سنك
اويلي غير سكتي هدي ديال عائلة الراجل الي صعيبة شوية اما عائلتك اعذروك وحتى الراجل وشادا الهم لهدشي انهار نمشي عند راجلي ما فيهاش ميزكلونيس كلهم تماك وكلشي ابغي اجي عندي ويذوق الطياب وخصوصا انهم تيعجبهم طياب الميمة
علاه اختك خاشية الراس غير هكاك هههههههههه اصلا الصراحة عزيز عليا الطبخ ولكن حتى واحد متزاد معلم خص بنادم اتعلم

ايوا انعاود ليكم اش طرا ليا غير فدورة الكيك هههههههههههه
الكيك كلاصي واش سمعتيني هههههههههههه امشرفتي العزيزة امولات الكيكة
ايوا اختكم تظل تتشوف الكيكات وتتعقل زعمة
قررت اندير الكيكة درت كلشي هو هداك والطريقة والمراحل جيت حتى الطياب درت كيما قالت لينا الحبيبة
ايوا حشاكم انا لصق فعقلي وقت طياب اخر ديال كيكة اخرى تصحابني واش هي قابلتها وتنشوف فالساعة فات لوقيتا طليت لقيتها تنفخات ونا انحيدها زعمة الوقت هو هداك غير حطيتها ما جيت انتقلب حتى لقيتها تفشات ونا لنقول واه ايوا الوقت هو الوقت حتى شكيت فراسي هههههههههههههههههه
وجيت المنتدى قلبت لقيتني دايرة وقت كيكة اخرى هههههههههههه

على الخطأ الي دارت صاحبتكم حلفت ما نعس حتى اندير وحدة اخرى ماما تخرجني فلوجوغنال هههههههههههه حيت شافتني ملي تنقادها
هزيت كلشي وبديت من الصفر وقلت وراك وراك ههههههههههههههه
والحمد لله تمت المهمة بسلام ومع النصاصات الليل خليتها فالثلاجة تبرد لصباح

والعقوبة الي خديت هي اني كنت تنصوم وكنت صايمة هههههههههه الحمد لله وجيت الصباح تنقطع فيها ونوزع هههههههههه وتنشوف فيهم هههههههههههه
حتى من بعد المغرب عاد كليت حقي
والحمد لله عجبات مشرفتنا العزيزة وحتى انا وفرحت ملي درتها حيت معمرني درت كيكة بحال داك الشكل الي تتكون بالفلون

الصراحة كانت دورة رائعة والأروع الصبر ديال المشرفات وحرارة مشاركات وتطبيقات المشاركات فالدورة الي تعرفنا عليهم الصراحة
ربي احفظكم ويخليكم ديما حادكات وكادات يا ربي

وشكرا لك على الموضوع الزوين بحالك فكرة زوينة

هههههههههههه ضحكتيني وا زبلات درنا ملي كنا صغار

را نتسناك الحبيبة

هههههههههه ضحكتيني
فكرتني غير فرمضان قالي راجلي مشهي كيكة الشكلاط اوا وصوبت وحدة من المنتدى اوا تبارك الله تنفخات تال السما غير خرجتها من الحمام (الفران هههههه) وهي تسخف (تفشات هههههههه)
اوا قرب المغرب والراجل قرب يجي ومابقا وقت نعاود وحدة خرى اوا وانا نهز ديك الكيكة فرتتها كامل وجمعتها بالشكلاط ودرتها فزلافة دغت عليها مزيان وقلبتها ف طبسيل باش تخد شكل زلفة اوا خويت عليها الشكلاط واللوز افيلي هههههههههه الشطارات ملي كلاها الراجل قالي اوا كيكة جديدة هدي وجاتو بنينة وقالي شنو سميتها ووننقول ليه كيكة المفرتتة بالشكلاط واللوز هههههههههه
والله بوحدو لي عالم الحريرة دالكيكة ههههههههه

بان لي بوحدي واقيلا لي مزبلاها فالكوزينة شفت تا حد مدخل الموضوع هههههههههههه

تبارك الله عليكم زعلى زبايلكم ههههههه ضحكتوني انا معقلتشي على شي حاجة اذا عقلت شي حاجة نقولها هههههه