12/11/2019
السلام عليكم ورحمة الله وبركاته
اليوم غنزلكم وصفة ط³ط¨ط§ظƒظٹطھظٹ بطريفات لحم لغنمي، بالرغم من انها بسيطة الا ان مذاقها كيجي روعة ماشاء الله
بســــم الله ابدأ
:المقادير:
300 غ سباكيتي
وطريفات اللحم
بصلة واحدة
2 مطيشات
ملح، ابزار، فلفة حمرا، القليل من سكينجبير والزعفران
ملعقة حك مطيشة
ثوم مجفف
معدنوس مقطع رقيق
زيت العود
:الطريقة:
نقشرو البصلة والمطيشة
البصلة نحكوها في الحكاكة، والمطيشة نقطعوها طريفات صغار
(بالنسبة لمطيشة نخليو واحد النصيص بالزريعة كتعطي مذاق لذيذ للطبق)
نديرو المكونات في الكوكت (مطيشة + البصلة + معدنوس + والبهارات)
ثم نزيدو زيت العود او الا بغيتي تخلطيها مع القليل من زيت المائدة
ثم نضيفو طريفات اللحم بعدما نغسلوهم مزيان
انا ضفت كذلك طرف كبير ديال اللحم حيت فيه العظم وحتى العظم كيزيد البنة
ونخلطو كلشي مزيان ونخليوهم يتشحرو
ثم نضيفو من 2 حتى 3 كيسان ديال الماء ونسدو الكوكوت
نخليو اللحم يطيب جهد 15 دقيقة
من بعد منفتحو على الكوكوت نضيفو ط³ط¨ط§ظƒظٹطھظٹ نهرسوها على 2 ونوضعوها في لاصوص
نخليوها طيب من 5 حتى 10 دقائق (على حساب كل ط³ط¨ط§ظƒظٹطھظٹ وشحال كتاخد ديال الوقت)
من بعد متشرب المرقة نطفيو عليها ونقدموها بالصحة والراحة
ملاحظة: خلي ط³ط¨ط§ظƒظٹطھظٹ طيب على نار مهيلة ومتحركيهاش نهائيا حتى تبغي تحطيها في الطبق
نتمنـــى الطبق ينــــال اعجابكــــــم
اللهم لك الحمد حمدا كثيرا طيبا مباركا فيه
اللهــــم ادمهــــــا نعمــــة علينــــا واحفظهــــا مـــن الــــــزوال
‘fr sfh;djd f’vdrm alhsd ,fhglvhpg hglw,vm
الله يبارك فيك اختي
راه الصور ظاهرة عندي، شوفي دبا واش باينين ليك او لا
بارك الله فيكن اخواتــــــــــــــي
شكرا على الردود الطيبة، جزاكن الله خيرا
تسلمين غاليتـــــــــــــي
شكرا على التثبيت
الله يبارك فيك يارب
ننصحكم تجربوه كيجي هائل